Вилоят халқ таълими бошқармасининг 2022 йил 27 январдаги 11-х-s-сонли буйруғи асосида Узун туманидаги 3-, 29-, 30-, 51-, 64-сонли умумтаълим мактабларидаги таълим-тарбия жараёнини ўрганиш натижалари бўйича

Вилоят халқ таълими бошқармасининг 2022 йил 27 январдаги
11-Х-S-сонли буйруғи асосида Узун туманидаги 3-, 29-, 30-, 51-, 64-сонли умумтаълим мактабларидаги таълим-тарбия жараёнини ўрганиш натижалари бўйича
МАЪЛУМОТ
27.01.2022 йил Узун туман

Ҳозирги кунда мамлакатимизда таълим-тарбия ва илм-фан соҳаларини такомиллаштириш, жамиятимизда ўқитувчи ва педагог ходимлар, илмий ва ижодкор зиёлиларга ҳурмат-эътиборни янада ошириш ўқувчиларнинг касбий маҳоратини ривожлантириш долзарб вазифа этиб белгиланган. Бу борадаги олиб борилаётган ишлар мунтазам таҳлил қилиниб борилмоқда. Шу муносабат билан таълим тизимида олиб борилаётган ислоҳотларнинг амалдаги натижасини ўрганиш мақсадида 2022 йил 27 январь куни 3-, 29-, 30-, 51-, 64-сонли умумтаълим мактаби ўрганилди. Ўрганиш натижаларига кўра қуйидагилар аниқланди.

Тумандаги 3-сонли мактаб педагог ходимларнинг 16 нафари (72,7%) олий маълумотли ҳамда 4 та тугалланмаган олий (18,18), 2 нафари (9,1%) ўрта-махсус маълумотли ўқитувчиларни ташкил этади.
Мактабда бу йилги педагог кадрлар аттестациясига 16 нафар қатнаши имкониятига эга бўлган ўқитувчилардан 14 нафари (87,5 %) ариза берганлиги аниқланди.
Тумандаги 29-сонли мактаб педагог ходимларнинг 28 нафари (70%) олий маълумотли ҳамда 12 нафари (30%) ўрта-махсус маълумотли ўқитувчиларни ташкил этади. Мактабда бу йилги педагог кадрлар аттестациясига 28 нафар қатнаши имкониятига эга бўлган ўқитувчилардан 23 нафари (82,1 %) ариза берганлиги аниқланди.
Тумандаги 30-сонли мактаб педагог ходимларнинг 20 нафари (50,0%) олий маълумотли, 3 нафари (7,5%) тўлиқсиз олий ҳамда 17 нафари (42,5%) ўрта-махсус маълумотли ўқитувчиларни ташкил этади.
Мактабда бу йилги педагог кадрлар аттестациясига 20 нафар қатнаши имкониятига эга бўлган ўқитувчилардан 10 нафари (50,0 %) ариза берганлиги аниқланди.
Тумандаги 51-сонли мактаб педагог ходимларнинг 16 нафари (66,7%) олий маълумотли, 3 нафари (12,5%) тўлиқсиз олий ҳамда 5 нафари (20,8%) ўрта-махсус маълумотли ўқитувчиларни ташкил этади.
Мактабда бу йилги педагог кадрлар аттестациясига 16 нафар қатнаши имкониятига эга бўлган ўқитувчилардан 14 нафари (87,5%) ариза берганлиги аниқланди.
Тумандаги 64-сонли мактаб педагог ходимларнинг 28 нафари (70%) олий маълумотли ҳамда 12 нафари (30%) ўрта-махсус маълумотли ўқитувчиларни ташкил этади.
Мактабда бу йилги педагог кадрлар аттестациясига 28 нафар қатнаши имкониятига эга бўлган ўқитувчилардан 18 нафари (64,2%) ариза берганлиги аниқланди.


Ўрганиш жараёнида ушбу мактабларнинг барчасида олий малака тоифали педагог ҳодимлар мавжуд эмаслигини қандай изоҳлаш мумкин.


Шунингдек, ўрганиш кунида ўқитувчиларнинг ишга келиб кетишлари давомати олинганда тумандаги 3-сонли мактабида ЎИБДЎ Б.Бадалов, 30-сонли мактабида ЎИБДЎ М.Мустафоқулов, ММИБДЎ И.Мустафоқуловлардан ташқари бирор нафар ўқитувчи мактабда иш куни бўлишига қарамасдан иш жойида йўқлиги кузатилди. Бундан ташқари мактаб директорлари иш жойида йўқлиги аниқланиб, ушбу ҳолат бўйича ишчи гуруҳ аъзолари томонидан тегишли тартибда далолатнома тузилди.

Ушбу таълим муассасаларининг 2020-2021 ўқув йилидаги ОТМга кириш кўрсаткичлари таҳлил қилинганда 29-сонли мактабда жами 33 нафар битирувчилардан бор йўғу 2 нафар (6,1%), 30-сонли мактабда жами 32 нафар битирувчилардан бор йўғу 3 нафар (9,4%), 51-сонли мактабда жами 19 нафар битирувчилардан бор йўғу 1 нафар (5,3%), 64-сонли мактабда жами 29 нафар битирувчилардан бор йўғу 4 нафар (13,8%) ўқишга кирганликларининг ўзи бу таълим даргоҳларида таълим-тарбия жараёни нотуғри юритилаётганлигининг далолатидир.

2021-2022 ўқув йилида ўтказиладиган Фан олимпиадасининг вилоят босқичига қатнашиши ўрганилаган мактаблар ичидан фақатгина
64-сонли мактабнинг 11-Д синф ўқувчиси С.Абдугаффорова инглиз-тили фанидан ҳамда 9-синф ўқувчиси Д.Ўрозалиева тарих фанидан вилоят босқичига иштирок этиш ҳуқуқини қўлга киритганлиги, 29-,30-,51-сонли матабларнинг ўқувчилари Фан олимпиадасининг вилоят босқичига иштирок этиш ҳуқуқини қўлга киритмаганлигини ҳамда 3-сонли мактабда 7-8 синф ўқувчилари ўртасида математика, информатика, биология, кимё ва физика фанларидан Ал-Хоразимий олимпиадасининг мактаб босқичи ўтказилмаганлигини қандай изоҳлаш мумкин.

Бундан ташқари, 3-сонли мактаб директори Б.Сафаров вилоят халқ таълими бошқармаси ҳамда туман ХТБ мудир ўринбосари ва ходимлари билан ташриф буюрилганлигига қарамасдан одоб-аҳлоқ қоидаларидан ташқарида муоммила қилиб, маълумотларни ўрганишга тўсқинлик қилганлиги, ушбу маълумотларни Халқ таълими вазирилиги ходимларига тақдим этишини билдириб ҳужжатларни тақдим этмаганлиги сабабли тегишли тартибда ушбу ҳолат юзасидан далолатнома тузилди.

Юқорида аниқланган хато ва камчиликларни бартараф этиш бўйича мактаб мутасаддиларига тегишли методик ёрдам кўрсатилди ҳамда мутасадди ходимларни тушунтириш хатлари олинди.


Ишчи гуруҳ аъзолари:
Вилоят халқ таълими бошқармаси
Ходимлари И.Хаитмуратов


Х.Мирзоев
Ш.Мелиев
Ф.Саматов
Э.Эсанов
Маълумот билан танишдим


Туман ХТБ мудир
ўринбосари Б.Рахмонқулов