Vii bob. Pechlarda issiqlik

7.2- rasm. Pechlarda bilvosita qizdirish sxemalari. a- mufel pechi; b- radiatsion quvurli pech.
Po‘lat qismlar bilan tutun gazlarining bevosita tuqnashishi mumkin emas, chunki bu hol po‘latning oksidlanishiga yoki uglerodsizlanishiga olib keladi. Buyumlar mufel orqali o‘tadi (7.2-a rasm), mufelning ichi esa himoyalovchi gaz bilan to‘ldirilgan bo‘ladi. Issiqlik mufel devori orqali uzatiladi. Radiatsion quvurli pechlarda (7.2-b rasm) qizigan tutun gazlari radiatsion (nur tarqatuvchi) quvurlar orqali o‘tadi. Issiqlik quvur devorlari orqali uzatiladi, pechning ishchi bushlig‘i esa himoyalovchi gaz bilan to‘ldiriladi. Umuman olganda bilvosita qizdirish to‘g‘ri qizdirishga nisbatan ancha murakkab va qimmatdir.
7.2.Ichki va tashqi issiqlik almashuvi

Tayanch iboralar: ichki va tashqi issiqlik almashuvi,radiatsiyali rejim, konveksiyali rejim, aralash rejim.
Issiqlik almashuvining murakkab jarayoni odatda ikki qismga bo‘linadi: ichki va tashqi issiqlik almashuvi. Tashqi issiqlik almashuvi pechning ishchi bo‘shlig‘idan isitiladigan material va buyumlarning tashqi yuzasiga issiqlik uzatilishidan iborat. Ichki issiqlik almashuvi esa qizdirilayotgan materialning ichki qatlamlari bilan yuzasi orasidagi haroratlar farqi hisobiga issiqlik o‘tkazuvchanlik yo‘li bilan yuzaga keladigan issiqlik almashuvidan iborat. Material massasining qizishi shu materailning xossalariga, shakli va o‘lchamlariga bog‘liq. Ichki issiqlik
almashuvini boshqarish tashqinikiga nisbatan qiyinroqdir.

Pechlarda tashqki issiqlik almashinuvi 3 xil rejimga bo‘linadi. 1.Radiasiyali rejim.

2.Konveksiyali rejim. 3.Aralash rejim.
Radiasiyali rejim deb pechning ishchi kamerasida qizdirilayotgan jism va devorga tushayotgan nurlanish tushuniladi. Radiatsiyali isitish ham o‘z navbatida 3 xil bo‘ladi.