Vi группа элементлериниң координационлы бирикпелери

Trioksolatxromat (III) kaliy
K₃[Cr(C₂O₄)₃]·3H₂O
Quramında 27 g H₂C₂O₄·2H₂O h’a’m K₂C₂O₄·H₂O bolg’an eritpege aralastırıp barıw arqalı K₂Cr₂O₇ nin’ kontsentrlengen suwlı eritpesinen (12g) qosıladı:
K₂Cr₂O₇+7H₂C₂O₄+2K₂C₂O₄=2K₃[Cr(C₂O₄)₃]+6CO₂+7H₂O
aralaspa uzaq waqıt dawamında parlanadı h’a’m kristallanıw baslang’ang’a shekem suwıtıladı. O’nim-90%
Qa’siyeti: suwda an’sat eriytug’ın qaraltım ko’gis kristallar.
Dekaammin-ol-gidroksodixrom(III)xlorid [(NH₃)₅CrOHCr(NH₃)₅]Cl₅·H₂O
Poroshok h’alındag’ı 70g K₂Cr₂O₇ ge aralastırıw arqalı 75 ml spirt h’a’m 200 ml kontsentrlengen HCl qosıladı. Alıng’an xrom (III) duzının’ ko’k ren’li eritpesi ıssı h’alında (50° tan joqarı temperaturada) h’awanın’ qatnasısız tsink penen qa’lpine keltiriledi. Xrom (II) duzı eritpesi erimegen NH₄Cl menen birgelikte quyıladı h’a’m xromdı tezde oksidlew maqsetinde kislorod penen ku’shli silkiw arqalı abrabotkalanadı. Bunda suyıqlıq qızıl ren’ge boyaladı h’a’m onnan belgili mug’darda [(NH₃)₅CrOHCr(NH₃)₅]Cl₅·H₂O duzı ajıralıp shıg’adı. Duz sorıp alınadı h’a’m suwlı aralaspa h’a’m kontsentrlengen HCl menen (ko’lemi boyınsha 2:1 qatnasta), keyin bir reet muzday suw menen juwıladı. Duz muzday suwda eritiledi h’a’m bul eritpe kontsentrlengen HCl h’a’m suwdın’ suwıtılg’an aralaspasına quyıladı (ko’lemi boyınsha 2:1 qatnasta). sho’kpege tu’sken duz suwıtılg’an HCl (1:2) menen, keyin kislota qaldıg’ı shıg’ıp ketkenge shekem spirt penen juwıladı h’a’m h’awada qurg’atıladı. O’nim-25g.
Qa’siyeti: poroshoktı kontsentrlengen H₂SO₄ u’stinde uslap turg’anımızda a’ste aqırınlıq penen jog’altıp baratın 1 mol suw tutqan ashıq qızg’ısh kristallı poroshok.