Veterinariyada kasb etikasi

Allergiya – organizm reaktivligi o‘zgarishi bilan bog‘liq holda turli moddalarga sezuvchanlikning oshishi.
Anafilaksiya – organizmga parenteral yo‘l bilan antigen yuborilgan zahoti kelib chiqadigan allergik reaksiyaning bir turi.
Interferensiya – bir virusning 2-virus reproduksiyasini yo‘qotishi.
Immunologik reaktivlik – organizmning infeksion kasallik qo‘zg‘atuvchilariga qarshi immunologik himoya vositalarini ishga solish qobiliyati.
Tabiiy rezistentlik – organizmning o‘z biologik xususiyatlariga ko‘ra, infeksiyalarga chidamliligi.
Moyillik – hayvon organizmining qo‘zg‘atuvchisi bilan kontaktda bo‘lganda kasallanishi.
Spontan infeksiya – tabiiy sharoitda o‘z-o‘zidan yuzaga keladigan infeksion kasallik.
Fagotsitoz –maxsus xujayralar-fagotsitlarning tirik mikroorganizmlarni, organizmga yot moddalarni o‘rab olib, yutib yuborishi.
Ekzotoksinlar – mikroorganizmlarning faoliyati davomida hosil bo‘lgan metabolitlardir.
Toksigenlik – mikroorganizmlardan ajraladigan zaharli modda.
Invazivlik – mikroorganizm va viruslarning tabiiy sharoitda teri, shilliq pardalar orqali organizm to‘qimalariga kirishi, ko‘payishi va makroorganizmning himoya vositalariga qarshilik qilish qobiliyati.
Immunitet – organizmning unga irsiy yot axborotga ega bo‘lgan infeksion va yuqumsiz moddalardan himoyalanishi, ya’ni kasallikni yuqtirmaslik holati.
Patogenlik – mikroorganizm va viruslarning kasallik qo‘zg‘atish qobiliyati. U mikroorganizm va viruslarning o‘simliklar, hayvonlar, odamlar, umuman tirik mavjudotlar organizmida tekinxo‘rlikka moslashish jarayonida vujudga kelgan murakkab kasallik qo‘zg‘ata olish xususiyatlari majmuasi.
Adsorbentlar — farmakologik moddalar bo‘lib, ular boshqa moddalarni so‘rib oladi. Immunobiologik tekshirishlarda adsorbent sifatida bakteriya hujayralari, quritilgan to‘qimalar (jigar), eritrotsitlar va boshqalardan foydalaniladi. Bular ko‘pincha ichaklarda gaz to‘planganda (meteorizm), zaharlanganda ichiriladi va teri kasalliklarida yaralarga sepish uchun ishlatiladi.
Absorbsiya (lot. absorbere — shimib olish) — fizikaviy jarayon bo‘lib, gaz, nur yoki suyuq muhitdagi biror moddaning yutuvchi jism (absorbent)ning butun hajmiga yutilishi.
Avidin (avidinum — oqsilning tarkibiy qismi) — hayvon va parrandalar tuxumidagi glikoproteidlar bo‘lib, ular iste’mol qilinganda suvda erimaydigan, biologik jihatdan aktiv bo‘lmagan majmua hosil qiladi. Bu esa o‘z navbatida avitaminoz "A" ga olib keladi. A. anafilaksiya holatida allergendek ta’sir qiladi.
Aviditet (fr. avidite, lot. aviditas — ochko‘zlik) — antitelolarning antigenlarga yaqinligi, immun reaksiyalarning tezligi va to‘liqligi hamda antigen va antitelolarning birikishidan hosil bo‘lgan barqaror majmua.