«veterinariya» ixtisosligi bo’yicha oliy o’quv yurtlari uchun qo’llanma

Davolash.
Kasallikning sabablari tugatiladi. Kasal hayvon uchun 
optimal sharoit yaratiladi. Rasion to’yimligi oshiriladi, vitaminlar, 
makro- va mikroelementlar bilan boyitiladi. 

---

102 
Qon hosil bo’lishini rag’batlantirish maqsadida temir preparatlari 
(temir gliserofosfat, laktat, sulfat, karbonat) 10 mg/kg dozada, mis sulfat 
0,4-0,6 mg/kg va kobalt xlorid 0,04-0,08 mg/kg dozada 2-3 hafta 
davolashda oziqa bilan qo’llaniladi. Shu maqsadda tarkibi qon, mis 
sulfat va temir laktatdan iborat gemostimulin tabletkalari qo’llanilishi 
mumkin. Hazm tizimi kasalliklarida ferroglyukin va boshqa temir 
saqlovchi preparatlar parenteral yo’llar bilan organizmga yuboriladi. B
12
vitamini 3-5 mkg/kg, askorbin kislotasi 3-5 mg/kg, folat kislotasi 0,05-
0,1 mg/kg dozada muskul orasiga 10-14 kun davomida yuboriladi. 
Gemorragik diatez kuzatilganda 10% kalsiy xlorid yoki kalsiy glyukonat 
eritmasidan 0,4-0,5 ml/kg dozada vena orqali yuboriladi, hamda K 
vitamini tavsiya etiladi. Muskul orasiga yoki teri ostiga – nospesifik 
immunoglobulin yoki poliglobulin tavsiya etiladi. Aplastik anemiyalarni 
davolash iqtisodiy jihatdan maqsadga muvofiq emas.
47. Ona qo’yga. 
Rp.: Ferri carbonici saccharati 0,5 
D.t.d.N 40 
S. Og’iz orqali. Kuniga 1 o’ramdan 4 marta 10 kun davomida
omixta yem bilan berish uchun. 
48. Otga. 
Rp.: Sol. Natrii arsenatis 1% - 1,0 
D.t.d.N 20 in ampullis 
S. Teri ostiga. Kuniga 2 ml.dan 1 marta 10 kun davomida 
inyeksiya uchun.
20-mashg’ulot.
 MODDA ALMASHINUVI
BUZILISHLARINING DIAGNOSTIKASI.
Reja: 
20.1. Qondagi glyukoza miqdorini aniqlash. 
 
20.2. Qon zardobidagi ishqoriy zahirani aniqlash. 
20.3. Qon zardobidagi umumiy oqsil miqdorini aniqlash. 
20.4. Qondagi keton tanachalari miqdorini aniqlash.