«veterinariya» ixtisosligi bo’yicha oliy o’quv yurtlari uchun qo’llanma

 
Davolash.
Nefritni davolashda 1-2 kun och qoldirish diyetasi, keyin 
oqsillarni 
kam 
miqdorda 
saqlovchi 
oziqalar: 
sifatli 
pichan, 
ildizmevalilar, donlar yormasi, gushtxo’r hayvonlar va cho’chqalarga – 
sut mahsulotlari, bo’tqa vasabzavotlar tavsiya etiladi. Tuz berish 
chegaralanadi. Shishlar paydo bo’lishida suv berish ham chegaralanadi.

Medikamentoz davolash yurak yetishmovchiliklari va gipertoniyani 
yo’qotish, sensibilizasiya va allergik holatga qarshi, antimikrob va 
uremiyani oldini olishga qaratilgan bo’lishi kerak. Buning uchun 
naprestyanka, kofein, kamfora preparatlari, diurezni kuchaytirish 
maqsadida temisal, kaliy asetat, kaliy nitrat, diakarb va laziks 
preparatlari tavsiya etiladi. Sensibilizasiyani yo’qotuvchi va allergiyaga 
qarshi preparatlardan dimedrol (1%li eritma holida itlarga – 0,-1 ml, 1 
kunda 3 marta, muskul orasiga), suprastin, kalsiy glyukanat askorbin 
kislotasi va rutin tavsiya etiladi. Paranefral novokainli blokada qilinadi 
yoki 0,5-1 % novokain eritmasidan 100-200 ml, askorbin kislotasi bilan 
aralashtirib venaga yuboriladi, 25%-li magniy sulfat eritmasidan katta 
hayvonlarga 20-40 ml vena qon tomiri orqali yuborish, gormonal 
preparatlardan prednizolon, kortikotropin, kortizon, deksametazon 
kabilarni tavsiyanomasiga asosan qo’llash nefritni o’tkir va shuningdek, 
surunkali kechishida ham yaxshi natija beradi. 
Nefritning ko’p hollarda in’feksiya omili ta’sirida kelib chiqishini 
hisobga olgan holda keng ta’sir etish xususiyatiga ega antibiotiklar, 
nitrofuranlar va sulfanilamid preparatlari bilan davolash kursi 
o’tkaziladi. Bunda ampisillin, gentamisin, sefaloridin, urosulfan, 
biseptol, etazol kabilar yaxshi samara beradi. Nefrotik ta’siga ega 
bo’lgan antibakterial preparatlarni (tetrasiklin, neomisin) qo’llash 
mumkin emas. Uremiya sindromi kuzatilganda qon oqizib yuborish, 
rezerpin, gipoteazid preparatlari tavsiya etiladi.