«veterinariya farmatsevtikasi» kafedrasi

Salbiy ta’sirlari. Karbamazepinnikiga o‘xshaydi.
Fenobarbital. Bromidlardan keyin keng qo‘llaniladigan talvasaga qarshi dori. Ko‘p klinitsistlarning fikricha, fenobarbital chaqaloqlar uchun tanlov dori hisoblanadi.
Farmakodinamikasi. Natriy oqimiga bog‘liq anomal impulslarni sekinlashtiradi. Fenobarbital yuqori miqdorlarda hujayra membranalaridan kalsiy ionlari harakatini ham susaytiradi. Fenobarbital GAMQergik qurilmalarga bog‘liq xlor kanallari oqimini kuchaytiradi. Fenobarbital terapevtik miqdorlarda GAMKergik falajlanish va glutamatga bog‘liq tormozlanishni kuchaytiradi.
Farmakokinetikasi. fenobarbital boshqa barbituratlar singari jigardan Sz kimyoviy guruh fermentlari yordamida oksidlanadi. Hosil bo‘lgan spirtlar va ketonlar siydikda glyukuronidlar ko‘rinishida paydo bo‘ladi. Hosil bo‘lgan metabolitlar asosan faolsiz moddalar hisoblanadi.
Fenobarbitalning yarim chiqib ketish vaqti 4—5 kunni tashkil qiladi. Uni qayta qabul qilish to‘planishiga olib kelishi mumkin. Jigar sirrozida uning yarim chiqib ketish vaqti 4—8 kunga teng.
Og‘iz orqali qabul qilinganda 80% gacha so‘riladi. Ichilgandan 2—8 soat o‘tgach uning qondagi miqdori 5,1—5,3 mg/ml ni, mushakka yuborilganda esa 1,5 soatdan keyin kuzatidadi. 0,1 g dori qabul qilgan bemor qonida uning eng yuqori miqdori 22—23 mg/l, talvasaga qarshi faol miqdori 15—25 mg/ml, ba’zan 40 mg/ ml ni tashkil qiladi. Orqa miya suyuqligida kamroq (12 mg/l) yig‘iladi.
Ishlatilishi. Fenobarbital parsial talvasalarda va grand mal da yaxshi yordam beradi.
Uzaro ta’siri. Fenobarbital markaziy asab tizilmasini falajlovchilar ta’sirini kuchaytiradi (summatsiyalaydi). Fenobarbital va boshqa barbkturatlarning boshqa dorilar bilan o‘zaro ta’siri jigar induksiyasiga bog‘liq. Barbituratlar — dikumarol, difenin, digitalis preparatlari, grizeofulvin samaradorligini kamaytiradi (induksiya hisobiga).
Salbiy ta’sirlari. Fenobarbital va boshqa barbituratlarning salbiy ta’siri ruhiy buzilishlar, uyqu bosish, bosh og‘rishi, bosh aylanishi, ko‘rishning buzi. lishi, ataksiya, nistagm ko‘rinishida yuz beradi.
Ba’zi bemorlarda terida turli ko‘rinishdagi toshmalar,tana haroratining ko‘tarilishi. Kam hollarda — gepatit belgilari, bo‘g‘imlarda og‘riq kuzatiladi.