Vektorlar va ko’p o’lchovli massivlar bilan ishlash, ro‘yxat, navbat va stek Ma’ruza rejasi

void delete(struct slist_node*p) – berilgan tugundan keyingi elementni o‘chirish

void insert(struct slist_node*p, int nn) - berilgan elementdan keyin element qo‘shish

int empty(struct slist_node*beg) – ro‘yxat bo‘shligini tekshirish

Bu funksiya asosida quyidagi funksiyalar kiritilgan

struct slist_node* creat_slist(int size) – berilgan sondagi tugundan iborat ro‘yxatni yaratish. Tugun axborot qismi klaviatura orqali kiritilgan sonlar bilan to‘ldiriladi.

void free_slist(struct slist_node* beg) – ro‘yxatni o‘chirish

void print_slist(struct slist_node* beg) - ro‘yxat elementlarini ekranga chiqarish
Stek

Stek deb shunday strukturaga aytiladiki, stekka kelib tushgan oxirgi elementga birinchi bo‘lib xizmat ko‘rsatiladi va stekdan chiqariladi. Mazkur ko‘rinishdagi xizmat ko‘rsatishni LIFO (Last input-First output, ya’ni oxirgi kelgan – birinchi ketadi) nomlash qabul qilingan. Stek bir tomondan ochiq bo‘ladi. Stekka bolalar piramidasi va kitoblar qatlamini misol keltirish mumkin.

6.1.-rasm. Stekka misollar

Steklar asosan arifmetik ifodali masalalarni tahlil qilishda, perebor (ajratish) li masalalarda hamda graflardagi algoritmlarda ishlatiladi.

Stekni amalga oshirish uchun chiziqli ro‘yxatdan foydalaniladi, ya’ni ro‘yxatda boshida ko‘rsatkichda saqlanadi:

6.2.-rasm. Stekni chiziqli ro‘yxat orqali ifodalash

Qo‘shish va o‘chirish amallari ro‘yxat boshidan amalga oshiriladi. Bo‘sh stekda ko‘rsatkich boshi (0) ga teng.

Misol, agar stek 4 ta sondan tashkil topgan bo‘lsin. Ular o‘z navbatida 0, 1, 2 va 3 bilan raqamlangan. h = 4 ga teng, ya’ni stekda 4 ta son bor va keyingi qo‘shilayotgan sonni o‘rni stek massivida 4 bo‘ladi. Buni quyidagicha tasvirlash mumkin:

6.3-rasm. Stekni massiv orqali tasvirlash

Stek boshiga element qo‘shish uchun qiymatni yozamiz va h ko‘rsatkichni oshiramiz:

a[h ++] = k;

Stekga qiymati k=9 sonini qo‘shish jarayonini quyidagicha grafik ko‘rinishda tasvirlash mumkin:

6.4-rasm. Massivga element qo‘shish

Stek boshidan elementni chiqarish uchun teskari amaldan foydalanish lozim:

k = a[ -- h];

Bo‘sh stekning boshidagi ko‘rsatkichi h = 0 ga teng. Massivga element qo‘shish va o‘chirish davomida stek boshi massiv bo‘ylab ko‘chib turadi.

Universal stekning har bir tuguni axborot qismi void turidagi ko‘rsatkichdan iborat strukturadir:

struct slist_node

{

void* info;

struct slist_node* pred;

};

Stek tugunining ro‘yxat tugunidan farqi shundaki, o‘zidan oldingi tugun adresini saqlovchi ko‘rsatkich ishlatilgan.

Stek o‘zi alohida struktura sifatida kiritilgan

struct stack

{

struct slist_node* end;

int size;

int width;

};

Bu yerda end oxirgi tugunga ko‘rsatkich, width ma’lumot hajmi, size navbatdagi elementlar soni.

Asosiy funksiyalar: