Вазорати маориф ва илми Љумњурии Тољикистон мдт “Донишгоњи давлатии Хуљанд ба номи академик Бобољон Ѓафуров”

Кулу обанборҳо. Дар Тоҷикистон бештар аз 2000 кўл ва обанборҳои хурду калон мавҷуданд. қисми аксари онҳо дар баландиҳои 3500-5000 м вокеъ гардидаанд (80%). Аз ҷиҳати пайдоиш онҳоро ба пиряхӣ, тектонкӣ ҷудо мекунанд. Ба кўлҳои пиряхи калонтарин кўлҳои кишвар Қарокўл (380 км²), Зоркўл (36,9 км²) ва ба кўлҳои пайдоиши Тяктонкӣ бошад, кўлҳои Сарез (80 км²)
Ба муҳимтарин обанборҳои ҷумҳури Қайроқум (Баҳри тоҷик), Норак, Сарбанд, Муъминобод, Бойғозӣ, Селбур, Каттасой, Фарҳод, Даҳанасой дохил мешаванд.
Шумораи дарёҳои Тоҷикистон. Дар Тоҷикистон дарозии дарё аз 10 км дарозтаранд, миқдори он 947-то буда, тўли умумии онҳо ба 28500 км мерасад. Дарозтарин дарёҳои кишвар: Сир (2212 км), Панҷ (921 км), Зарафшон (781 км), Вахш (524 км), Қизилсў(235 км), Оқсў (222 км), Хингоб (136 км), Мурғоб (187 км), Яхсў(160 км), Бартанг (128 км) ба ҳисоб мераванд. Ин дарёҳо аз лиҳози ғизогирӣ чор навъ мешаванд: пиряху барф; барфу пирях; барфу борон ва обҳои зеризамини. Дарёҳо асосан ба ҳавзаи дарёҳои Аму, Сир ва Зарафшон мансубанд. Фақат дар Помири Шарқӣ дарёҳои хурди Қарочилға, Очилқа, Музкўл ба кули бастаи Қаракўл мерезанд; дарёи Маркансў бошад, ба ҳавзаи дарёи Тарим тааллуқ дорад.
Ҳавзаи дарёи Аму 3/4 ҳиссаи масоҳати ҷумҳуриро ишғол мекунад. Ба дарёи Аму ва болооби он Панҷ, дарёҳои Ғунд, Бартанг, Язгулом, Ванҷ, Сурхоб (Қизилсў), Вахш ва Кофарниҳон мерезанд.
Ба дарёи Сир (195 километраш дар ҳудуди Тоҷикистон) аз нишебии шимоли қаторкўҳи Туркистон дарёҳои Исфара, Хоҷабоҷирғон, Қарасў, Оқсў ва гайра ҷорӣ мешаванд. Болооби дарёи Зарафшон ва шохобҳои калони Киштўд, Моғиён дар ғудуди Тоҷикистон воқеъ гаштанд.
Обхои шифобахш. Тоҷикистон дорои беш аз 200 чашмаи оби маъданӣ буда, таркиби химиявӣ ва ҳарорати ҳар кадоми онҳо аз ҳам тафовут дошта, аҳамияти хоси муолиҷавӣ доранд. Муҳимтарини онҳо Аксигон дар ноҳияи Ваҳдат, Бахмир ва Бахтиёр дар Помири Шарқӣ, Баршор дар Шуғнон, Гармоба дар ноҳияи Файзобод, Гармчашма дар ноҳияи Ванҷ, Гармчашма дар ноҳияи Ишкошим, Дўстироз дар ноҳияи Ванҷ, Оби сафед дар ноҳияи Рашт, Оби шифо дар ноҳияи Исфара, Хочаобигарм дар ноҳияи Варзоб, Хавотог дар ноҳияи Истаравшан, Шоҳамбари дар ноҳияи Ҳисор мебошанд.