Вазирлиги абу райхон беруний номидаги тошкент давлат техника

Резервланган очиқ электр тармоғи – иккита ўзаро параллел занжирлардан ташкил топган ёки алмашлаб улаш амалга оширилганда иккинчи йўналиш орқали таъминланиб, 1- ва 2- тоифадаги истеъмолчиларга электр энергия узатиш учун хизмат қилувчи очиқ электр тармоғи.
Электр тизимини вужудга келтирувчи электр тармоғи – ўта юқори номинал кучланишларда ишловчи катта қувватли электр станциялари ва тизимларини ўзаро боғлаб, ягона бошқарилувчи объкет сифатида фаолият кўрсатувчи бирлашган энергетик тизимни ҳосил қилувчи электр тармоғи.
Таъминловчи электр тармоғи – электр тизимини вужудга келтирувчи тармоқларни ва қисман электр станцияларининг 110-220 кВ номинал кучланишли шиналарини тақсимловчи электр тармоқларининг таъминлаш марказлари билан боғловчи электр тармоғи.
Тақсимловчи электр тармоғи – электр истеъмолчиларига бевосита уланиб, уларни таъминлаш марказлари билан боғловчи ва электр энергияни қисқа масофаларга узатиш учун хизмат қилувчи электр тармоғи.
Ўтказгичлари парчаланган электр узатиш линияси – ҳар бир фазасида икки ёки ундан ортиқ ўтказгич ўрнатилувчи электр узатиш линияси.
Чулғамлари парчаланган трансформатор – номинал кучланиши бир хил бўлган икки ёки ундан ортиқ чулғамга эга бўлган трансформатор.
Электр тармоғи алмаштириш схемасининг ҳисобий параметри – электр тармоғининг алмаштириш схемасини таърифловчи ва қиймати унинг ҳолатига боғлиқ бўлмаган параметр.
Электр тармоғининг ҳолат параметрлари – электр тармоғининг маайян пайтлаги ҳолатини белгиловчи параметрлар.
Электр тармоғининг барқарорлашган ҳолати – электр тармоғининг ҳолат параметрлари амалий равишда ўзгармас ёки жуда кам ўзгарувчан бўлган ҳолати.
Электр тармоғининг авария ҳолати – электр тармоғининг ҳолат параметрларини қийматлари авария рўй берганда рухсат этилмаган миқдорда бўлган иш ҳолати.
Электр тармоғининг авариядан кейинги ҳолати – электр тармоғининг авария бартараф этилганидан кейинги барқарорлашган ҳолати.