Vatan-yagona kenglik

Vatan-yagona kenglik

Vatandan tashqarida Vatan yo‘q.Shuning uchun ham inson faqat jonajon yurtida o'zini mag'rur,hotirjam his qiladi.Vatan sevgisidan yurak yorug‘,iymon va e'tiqod uyg'oqdir.

Menimcha,jamiki insoniy fazilatlarning onasi Vatandir.Vatan bu kindik qonimiz tomgan tuproq,onamiz allasi taralgan go'sha,ajdodlar ruh-poki singan zamindir.Vatan shunday bir ta'rif talab etmas so'zki,har gal shu so'zni aytib,qalam tebratganimda yuragimda o'zgacha hislar jo‘sh ura boshlaydi.Bu hislar men bilan birga, shu go‘zal olamga kelganimdayoq qalbimda makon qurib ulgurgan.Yuqorida ta‘kidlaganimdek,ilk eshitgan kuyim-onam allasi ila butun bir vujudimni qamrab olgan nebkin tuyg'ular shu aziz Vatan bag'ridagi bir qizchaning eng oliy baxtidir.Shu baxt tufayli,men sening quchog'ingda maʼsum bir bolalik davrimning unitilmas onlarini baxtiyorlikda ko'nglim va xotiralarimga muhrlamoqdaman.

Tarix,til,xalq,tabiat-biz bularni bitta nom bilan Vatan deb ataymiz.Ha,Vatan taqdiri,bu -ona til va muqaddas tarix qismati.

Vatan hayoti deganda, ,,eng so'nggi nonin‘‘ham ,,o‘zi yemay"farzandiga tutgan,zahmatkash xalq toleyi,u yashayotgan tabiat sog'lomligi anglashilishi kerak.

Ko'ngli va idroki bundan bunyod kishilar shu Vatan uchun tun-u kun qayg'uradilar.B.G.Belenskiy shunday deb yozadi:‘‘Barkamol va sog'lom qalbda Vatan taqdiri mumtoz o'rinni ishg'ol etadi.,har qanday oliyjanob shaxs Vatan bilan qon-qarindoshligini,ushbu bilan o'ziga orasidagi muqaddas bog'lanishni teran anglaydi‘‘.Haqiqatan ham inson hech qanday sabablarsiz o‘z Vatanini chin yurakdan sevadi.Vatanga bo'lgan bu sevgini esa o'lchab bo'lmaydi. U tubsiz bir dengiz va osmonning oxiri yanglig‘ cheksiz.Eng muhimi ham mana shu.Binobarin,shu muhabbat senga kuch-quvvat beradi.

Shu o'rinda aytish joizki,bu kuch-quvvat bilan dunyoni larzaga solayotgan o‘zbek yoshlari hozirgi kunda O'zbekistonimizni yanada rivojlantirish uchun kun sayin yosh nihollar kabi ko'kka qadar bo'y cho‘zishmoqda.Davlatimiz rahbari tomonidan biz yoshlar uchun imkoniyatlar eshigi keng ochilgan.Bu imkoniyatlardan oqilona foydalanish har bir yosh avlodning o'ziga bog'liqdir. Zero,Freytag ta‘kidlaganidek ,, Har kimning qalbida o‘z xalqining jajji qiyofasi yashaydi‘‘.

Men shunday xulosaga keldimki,inson behad ko'ngil bog'lagan har toshidan, tarix o'qigan azamat minoralarida allaqanday ajib ranglarni sezgan o‘z ona makonini qadrlamog‘i,uning dardlariga malham bo'lmog'i lozim.Shunda dunyoda eng unitilmas kenglik-shu Vatan,inson hayotining butun mazmuni,senga til va tafakkur ato etgan ona Vataningni tanish ekanligi soat sayin yorqinlashadi.

Shuni unutmang!Vatandan tashqarida baxt yo‘q.

Yaratgan bizni shunday baxt bilan siylanganiga mingdan ming shukrlar boʻlsin.