Varieties hand out notes uzb

Kallus to‘qima induksiyasi
. 
In vitro
sharoitida
 
kallus to‘qima hosil qilish 
uchun boshlang‘ich o‘simlik eksplantasi tipiga bog‘liq holatda fitogormonlardan 
foydalaniladi. Aynan, ushbu bosqichda ozuqa muhiti tarkibida fitogormonlar tiplari 
va kombinatsiyalarini to‘g‘ri tanlash jarayon optimalligini ta’minlashda muhim 
ahamiyatga ega hisoblanadi. Tadqiqotlarda anor (
Punica granatum
L.) o‘simligining 
yuqorida keltirilgan turli xil boshlang‘ich eksplantalarida kallus to‘qima induksiyasi 
uchun MS ozuqa muhiti tarkibiga har xil miqdorda fitogormonlar qo‘shilib, o‘simlik 
eksplantalari 25 ml MS ozuqa muhiti quyilgan shisha idishlarga (275 ml) 
joylashtirildi va kultura standart sharoitda (+20...+25°C harorat, sutka davomida 16 
soatlik yoritilish va 8 soat qorong‘u sharoitda 4 hafta davomida) inkubatsiyalandi. 
Kallus to‘qima proliferatsiyasi
. Tadqiqotlarda MS ozuqa muhitida kallus 
to‘qima rivojlanishi va proliferatsiyasi intensivligi nisbatan yuqori darajada amalga 
oshishi aniqlandi (1.6.1-rasm). 

---

38 
 
1.6.1-rasm. Anor (Punica granatum L.) in vitro sharoitida mikroklonlash uslubida 
ko‘paytirish jarayonida kallus to‘qima proliferatsiyasi.
A). Kallusni hosil bo‘lishi; B). 
Kallusdan ildizchalarni hosil bo‘lishi; V). Kallusdan yangi o‘simlik rivojlanishi (Guliston davlat 
universiteti, Ekspermental biologiya laboratoriyasi). 
Shunday qilib, anor (
Punica granatum
L.) 
in vitro
sharoitida mikroklonlash 
uslubida ko‘paytirish jarayoni bosqichlarining (kallus to‘qima hosil bo‘lishi va 
proliferatsiyasi; o‘simtalar hosil bo‘lishi, ildiz hosil bo‘lishi) intensivligi eksplanta 
tipi, eksplantani sterillash uslubi, ozuqa muhiti tarkibida foydalaniluvchi 
fitogormonlar kombinatsiyalari kabi omillarga bog‘liq hisoblanadi. Jumladan, 
tadqiqotlarda barg qo‘ltig‘i kurtaklari va barg bo‘lakchalaridan boshlang‘ich 
eksplanta sifatida foydalanilgan variantda MS ozuqa muhiti tarkibida fitogormonlar 
kombinatsiyasining kallus to‘qima hosil bo‘lishi uchun optimal ko‘rsatkichlari 
aniqlandi. Shuningdek, novda uchida joylashgan kurtaklar va barg bo‘lakchalaridan 
foydalanilganda MS ozuqa muhiti tarkibida BAP (3-4 mg/l)+NAA (0,4 mg/l) 
kombinatsiyada kallus to‘qima hosil bo‘lish intensivligi yuqori bo‘lishi aniqlandi va 
ushbu usul asosida patogensiz ko‘chatlar olindi (1.6.2-rasm). 

---

39