Вариант №1-22 Қурилиш ашёларининг архитектурадаги ўрнини таърифлаб беринг. Безакли -бадиий пардозбоп қопламалар нима? Қурилиш ашёларида стандартлашни асослаб беринг. Безакли пардозбоп полимер композитларни тахлил қилиб беринг

Полимерцемент бетон
Цементли бетонга 10—20% полимер қўшилган юқори мустаҳкам, узоққа чидамли сунъий тош. Оддий цементли бетондан фарқи, унга қўшилган полимер бетон таркибида бир жинсли арматура сингари қотиб, унинг мустахкамлигини хамда зарарли мухит таъсирига чидамлилигини оширади. Полимер нафақат цементли, балки гипсли, оҳакли бетонларга ҳам қўшилади. Бетонларга қўшиладиган полимерлар сифатида асосан ПВА, латекслар, сувда эрувчан эпоксид смолалари ишлатилади. Қоришмани тайёрлаётганда қўшиладиган полимерларнинг бетон хоссаларига таъсири унинг миқдори ва турига боғлиқ. Масалан, бетонга қўшилган ПВА кукуни фақат ҳавойи қуруқ (ҳавонинг намлиги 40—50 %) шароитида қотиш хусусиятига эга. Нам шароитда қотган полимерцемент бетоннинг сиқилишдаги мустахкамлиги, оддий бетонникига қараганда кичик бўлади. Бундай ҳолат бошқа полимерцемент бетонларга ҳам хосдир.
ПВА ва латекс қўшилган бетон анчагина киришувчан бўлади. Қотаётган бетон таркибидаги полимерцемент тошини ўраб олган ҳолатда қотади ва полимер парда киришади. Натижада, полимерцемент бетоннинг умумий киришиши ортади. Агар бетонга сувда эрувчан полимерлар қўшилса, унинг киришиши оддий бетонга қараганда кичик бўлади. Шунингдек, бетоннинг зичлиги ошиши ҳамда дарз — нуқсонларнинг бўлмаслиги полимерцемент бетоннинг силжишини камайтиради.
Сувда эрувчан полимер қўшилган цементли бетоннинг музлашга чидамлилиги 150 дан 300 циклгача бўлиши мумкин. ПВА қўшилган бетон ёғлар таъсирида тезда бузилади, лекин бошқа зарарли мухитларга чидамлидир. Ишқаланишга бўлган чидамлилиги оддий цементли бетонга нисбатан 15—20 марта юқоридир. Полимерцемент бетонлар асосан саноат корхоналари полларини қуришда, йўл ва аэродром қатламларини таъмирлашда, темир-бетон конструкциялари чокларини тўлғазишда кўп ишлатилади.

Вариант № 21

1. 
   Оқ ва рангли портландцементлар нима?
   
2. 
   Оғир бетон хилларини таърифлаб беринг.
   
3. 
   Минерал боғловчи моддаларнинг турларини асослаб беринг.
   
4. 
   Енгил ва оғир бетон хиллари хоссаларини ифодалаб беринг.
   
5. 
   Инновацион технологиялар асосида темир ишлаб чиқаришни асослаб беринг.