Va ularning malakasini oshirishni tashkil etish bosh ilmiy metodik markazi

2.2.  Folklor asarlarini nashr etish mezonlari va ularga munosabat. 

O‘tgan asrda folklor asarlarining yozib olinishi keng tusda boshlangan bo‘lib, 

ayni paytda ularni nashr qilish ishlari ham yo‘lga qo‘yildi. Lekin bu nashrlar keng 

kitobxon  omma  dunyoqarashi  va  davr  talablariga  ko‘ra  ma'lum  qisqartirishlar, 

tahrirlar  bilan  amalga  oshdi.  Faqat  “Xalq  og‘zaki  ijodi” ko‘p jildligi va bir qator 

xalq baxshilari va ma'lum bir ertakchilar ijodigina ilmiy talablarga uyg‘un ravishda 

keng  ommaga  mo‘ljallab  chop  etildi.  Bir  asrga  yaqin  to‘plangan  tajribalar 

natijasida  “Alpomish”  dostonining  Fozil  shoir  varianti,  “O‘zbek  xalq  maqollari” 

ikki  jildligi  ilmiy  mezonlar  asosida  akademik  nashr  qilindi.  Endilikda  amalga 

oshayotgan “O‘zbek xalq ijodi yodgoliklari” 100 jildligi o‘zbek folklorshunosligi 

tarixidagi  eng  mukammal  nashrlardan  hisoblanadi.  Bu  paytgacha  chop  etilgan 

barcha  xalq  og‘zaki  ijodi  namunalarini  chog‘ishtirib,  ularning  barcha  yutuq  va 

kamchiliklari, qilinishi kerak bo‘lgan navbatdagi masalar bilan bog‘liq muammolar 

ushbu mavzu mazmunini tashkil etadi.