Va o‘rta maxsus ta’lim vazirligi samarqand iqtisodiyot va servis instituti «Xizmatlar ko‘rsatish, servis va uni tashkil etish»

Kurs ishini yozish uchun mavzu tanlash. Talabalar kurs ishi mavzusini tanlashdan oldin fan bo‘yicha mashg‘ulot olib borayotgan kafedra professor-o‘qituchilariga murojaat qilishi va o‘qituchi tomonidan tuzib chiqilgan tematik ro‘yxatdan bir mavzuni tanlab olishi mumkin. Talaba o‘qituvchining roziligini olgandan so‘ng tanlagan mavzusini kafedrada yuritiladigan maxsus jurnalda o‘z nomiga yozdirib qo‘yishi lozim.

Talaba shu narsani e’tiborga olish kerakki, u tanlab olgan mavzuni bir guruxda ikkinchi bir talaba tomonidan takror olishi mumkin emas. Shunday holat yuz bergan taqdirda talaba kafedraga murojaat qilib, boshqa mavzuni olish huquqiga egadir. Mabodo talaba o‘zi mavzu tanlasa, bu ham kurs dasturiga to‘g‘ri kelishi kerak. Bunday holda talaba kafedra mudiri nomiga ariza yozib mustaqil tanlagan mavzusi to‘g‘risida qisqacha izoh berishi zarur. Talaba tanlagan mavzusi bo‘yicha kurs ishini bajarishiga kafedra mudiri topshiriqni tasdiqlagandan so‘ng bajarishga kirishadi.
Bundan tashqari, har bir talaba mavzu tanlashda shu soha bo‘yicha o‘zining bilim va tajriba darajasini hisobga olishi kerak. Mavzu tanlagandan so‘ng har bir talaba kurs ishi bajarishning ikkinchi bosqichiga, ya’ni kurs ishini yozish uchun zarur bo‘lgan adabiyotlar, manbalar va materiallar to‘plash hamda ularni o‘rganish qismiga o‘tadi.

2. Kurs ishini yozish uchun zarur bo‘lgan adabiyotlar, manbalar va materiallar to‘plash hamda ularni o‘rganish.

Kurs ishini yozish oldidan talaba adabiyotlarni to‘plashda quyidagilardan foydalanishi mumkin:

• 
  institut, viloyat va shahar kutubxonalarining predmet (maxsus fan) va alfavit katologlaridan;
  
• 
  ayrim nashriyotlar va kitob savdo tashkilotlari tomonidan nashr etiladigan maxsus bibliografik qo‘llanmalardan, adabiyotlarning tematik to‘plamlaridan mavzuga oid turli xil jurnal va gazetalardan;
  
• 
  internet tarmog‘idan;
  
• 
  jurnallarda yil mobaynida bosilib chiqqan maqolalarning nomlari shu yilgi jurnalning oxirgi sonida ko‘rsatiladi.
  

Adabiyotlarni o‘qib chiqishga kirishilganda yuzakichilikka yo‘l qo‘ymaslik kerak. Adabiyotlar bilan yuzaki tanishish talabaning bilim saviyasini pasaytiradi, kurs ishida ko‘zda tutilgan maqsad esa bajarilmay qoladi.
Adabiyotlarni tahlil qilishda albatta talaba har qanday yozuv, jadval va diagrammalarni qunt bilan ko‘rib chiqish zarur. O‘qilgan materiallarni o‘zlashtirish va uni esda saqlashni osonlashtirish uchun konspekt olish tavsiya etiladi.
Kerakli adabiyotlar o‘rganilib, zarur bo‘lgan qarorlar ishlab chiqarilgandan keyin talaba kurs ishining redjasini bajarishga kirishadi.

3.