Va axborot texnologiyalari

O‘QUV-METODIK QO‘LLANMA
erkinligi, loyihalashtirish, biror muammo ustida izlanishni olib borib, o‘z bilim va ko‘nikmalari orqali 
uni himoya qilish jarayonlari mavjud. 
Ko‘p yillik amaliyotning ko‘rsatishicha, bu usulni aynan “Informatika va axborot texnologiyalari” 
darslarida qo‘llash natijasida o‘quvchilarda darsga bo‘lgan qiziqish yuqori darajada ortgan va 
yaxshi natijalarga erishilgan.
Bu jarayonda o‘qituvchi tashkilotchi hamda nazoratchi sifatida qatnashadi, ba’zan esa maslahatchi 
(konsultant) vazifasini ham bajaradi. O‘quvchilar esa, asosan, izlanishda bo‘lishadi. 
Bu jarayonga o‘qituvchi oldindan puxta tayyorlanishi: loyihaning mavzulari bolalarning yoshi, 
bajarish vaqti, ular bilimi va hosil qilingan ko‘nikmalaridan kelib chiqqan holda taqdim etilishi 
kerak. Loyiha mavzularini o‘qituvchi oldindan tayyorlab, o‘quvchilarga tanlash huquqini berishi ular 
qiziqishini yanada orttiradi.
“Loyiha” usulini qo‘llashda zarur asosiy shartlar:
I bob. Informatika va axborot olami
“Kompyuter va inson” mavzusida eng yaxshi maqola.
“Qiziqarli informatika va axborot texnologiyalari” nomli devoriy gazeta.
“Informatika va axborot texnologiyalari olamidagi buyuk insonlar” – slayd-shou.
“Bilasizmi? Qiziqarli faktlar rukni” mavzusida brifing.
“Oltin xazina” – musobaqa o‘yini (kodlashga oid misollar).
“Mitti ustoz” – eng yaxshi dars olib boruvchi o‘quvchi musobaqasi.
Loyiha mavzulari ham yakka tartibda, ham guruh bilan ishlashga mo‘ljallangan va 
dolzarb, hayotiy masalalarni qamrab olgan bo‘lishi lozim.
O‘quvchilarga loyihani bajarish yo‘riqnomasi yoki biror misolda yoritilgan ishni taqdim 
etish zarur.
Loyiha kompyuterda, ya’ni amaliy ish jarayoni orqali (masalan, Word, Paint.Net, 
PowerPointda) yoki boshqa dasturlash tillarida bajarilishi kerak.
Loyiha himoyasida butun jamoa qatnashishi va himoya qilishga sharoitlar yaratilishi 
zarur. Baholashda esa o‘quvchi yoshiga mos mezon ishlab chiqilishi kerak.