V. V. Mayskiy

IN’EKSIYA UCHUN QOʻLLANILADIGAN ERITMALAR
(Formae medicamentorum pro injectionibus) 
In‘eksiya uchun dori shakllariga suvli, spirtli va moyli eritmalar, suspenziyalar, emulsiyalar, 
novogalen preparatlar, suyuq organopreparatlar va suyuq ekstraktlar, shuningdek qoʻllashdan 
oldin steril erituvchida eritiladigan kukun va tabletkalar kiradi.
In‘eksiya uchun qoʻllnadigan dori moddalari teri ostiga, mushaklar orasiga, vena, arteriya, 
yurak, bo`gin ichiga, subaraxnoidal va boshqa yoʻllar bilan kiritiladi. In‘eksiya uchun 
koʻpincha suvli va yogʻli eritmalar, suspenziyalar ishlatiladi.
Moyli eritmalar, suspenziya va emulsiyalarni tomir ichiga, spirtli eritmalarni esa teri ostiga 
yuborish mumkin emas! 
Erituvchi sifatida quyidagilar olinadi: 
In‘eksiya uchun suv – 
Aqua pro injectionibus
Shaftoli moyi – 
Oleum Persicorum
Bodom moyi – 
Oleum Amygdalarum
Izotonik eritma – 
Solutio Natrii chloridi isotonica 0,9%
5% glyukoza eritmasi – 
Solutio Glucosi 5%
In‘eksiya uchun qoʻllaniladigan eritmalar quyidagi talablarga javob berishlari kerak:

sterillangan boʻlishi;

apirogen boʻlishi (qoʻllanganda tana haroratini oshirmasligi,);

anafilaktik reaksiya bermasligi;

barqaror boʻlishi; 

izotonik boʻlishi (ayrim hollarda) lozim. 
Teri ostiga kiritiladigan eritma miqdori 1-2 ml, mushak ichiga kiritiladigan 1 ml dan to 10 ml 
gacha, vena ichiga kiritiladigan 1 ml dan to 500 ml gacha boʻlishi mumkin. 
Dorilarni in‘yeksion usulda qoʻllashning 
afzalliklari
:

ta‘sir tez boshlanadi (ayniqsa venaga yoki arteriyaga kiritilganda),

dorilar jigar orqali oʻtmaydi, shu sababli dori parchalanmasdan a‘zoga yetib boradi, 

dorini kiritilishi kerak boʻlgan miqdori toʻliq amalga oshiriladi (biologik oʻzlashtirilishi 
yuqori boʻladi),

hushdan ketgan bemorlarga qoʻllash mumkin,

me‘da-ichak yoʻllarida parchalanib ketadigan dori vositalarini yuborish mumkin (insulin, 
stofantin, benzilpenisillin).