V. A. Kosteckiy MÁmleket hám huqíq tiykarlarí

Ózbekistan Respublkasınıń Puqaralıq kodeksi,
18-statya.

---

56
Nšzamda belgilenedi:
Óz múlkinde, xojalıq júrgiziwinde yamasa operativ basqa-
rıwda  óz  aldına  mal-múlkke  iye  bolǵan  hám  de  óz    min-
netlemeleri  boyınsha  usı  mal-múlk  penen  juwap  beretuǵın, 
óz  atınan  múlkli  yamasa  jeke  múlkli  bolmaǵan  huqıqlarǵa 
iye  bola  alatuǵın  hám  olardı  ámelge  asıra  alatuǵın,  min-
netlemelerdi  orınlay  alatuǵın,  sudta  dawager  hám  juwapker 
bola alatuǵın shólkem yuridikalıq tárep bolıp tabıladı.
Yuridikalıq  tárepler  óz  aldına  balans  yamasa  smetaǵa 
iye bolıwı kerek.
Ózbekistan Respublikasınıń Puqaralıq kodeksi, 
39-statya.
Jámáátlik subyektlerge yuridikalıq tárepler kirgiziledi. Ózbekistan Res- 
publikası Puqaralıq kodeksinde yuridikalıq táreplerdiń eki túri jazılǵan:
 
— payda  alıwdš  óz  xızmetiniń  tiykarǵı  maqseti  etip  alǵan  kommer-
ciyalıq  shólkemler  (tolıq  hám  kommandit  shirketler,  juwapkershili-
gi sheklengen hám qosımsha juwapkershilikli jámiyetler, akcionerlik 
jámiyetler, unitar kárxanalar h.t.b);
 
— payda  alıwdı  óz  jumısınıń  tiykarǵı  maqseti  etip  almaǵan  kommer-
ciyalıq  emes  shólkemler  (tutšnšwshšlar  kooperativleri,  jámiyetlik 
birlespeler, qorlar, puqaralardıń ózin-ózi basqarıw uyımları h.t.b.).
Puqaralıq  huqıqı  subyekti  sıpatında  mámleket  huqıqıy  qatnasıqlardıń 
basqa  qatnasıwshıları  menen  birdey  tiykarda  is  kóredi.  Bunda,  ulıw-
ma  qaǵıydaǵa  muwapıq,  mámleket  hám  ol  dúzgen  yuridikalıq  tárepler 
bir-biriniń minnetlemeleri boyınsha juwapker bolmaydı.

---