V. A. Kosteckiy MÁmleket hám huqíq tiykarlarí

Miynet  huqıqı  —  miynet  iskerligi  procesinde  júzege 
keletuǵın adamlar arasındaǵı qatnasıqlardı tártipke salatuǵın 
huqıq tarawı bolıp tabıladı.
Miynetke  baylanıslı  qatnasıqlar  —   adamlar  arasındaǵı 
qat-nasıqlar bolıp, miynet iskerligi procesinde júzege keledi 
hám belgilengen miynet tártibine boysınıwǵa tiykarlanadı.

---

100
MIYNET HAQQÍNDAǴÍ NÍZAMLARDÍŃ WAZÍYPALARÍ
Adamlar  ómiri  hám  rawajlanıwı  ushın  zárúr  bolǵan  barlıq  nárse  
miynet penen jaratıladı. Bunnan jámiyet hám óz aldšna hárbir insannıń 
ómirinde  miynetke  baylanıslı  qatnasıqlardšń  roli  anıq  kórinedi.  Miynet 
procesinde júzege keletuǵın jámiyetlik qatnasıqlardı tártipke salmay turıp, 
miynet  ónimdarlıǵın  hám  de,  islep  atırǵanlardıń  materiallıq  hám  má-
deniy  dárejesin  arttırıp  bolmaydı.  Solay  etip,  miynet  haqqındaǵı  nızam 
hújjetleriniń wazıypaları:
 
— jumısqa qabıl etiw tártibin muwapıqlastırıw hám miynet shártna-
masın biykarlaw;
 
— ádalatlı hám qáwipsiz miynet sharayatların  jaratıw;
 
— xızmetkerlerdiń miynet huqıqların qorǵaw;
 
— jumıs islewshilerdń densawlıǵın qorǵaw;
 
— miynet hám ulıwma pútkil óndiristiń nátiyjeliligin támiyinlew;
 
— mámlekettiń  pútkil  xalqınıń  materiallıq  hám  mádeniy  dárejesin 
jaqsılaw bolıp esaplanadı.