V. A. Kosteckiy MÁmleket hám huqíq tiykarlarí

Qarıydardıń  talabı  menen  tovar  jańasına  qanday 
jaǵdaylarda almastırıp beriliwi shárt?
1-jaǵday.
Puqara  planshet  satıp  aldı  hám  oramın  ashpadı.  Bir 
aydan keyin onı jáne de qımbatına almastırıp beriwin soradı.
2-jaǵday.
Puqara  kepillik  múddeti  6  aylıq  fen  satıp  aldı.  Fenniń 
nuqsanlı  detalı bolǵanlıqtan 6,5 aydan keyin buzıldı.
3-jaǵday.
Puqara elektr chaynigin satıp aldı, 5 kún dawamında on-
nan  paydalandı,  keyin  bolsa  dúkánnan  onı  úshpelegi  bolǵan 
chaynikke almastırıp beriwin soradı.

---

79
17-§. ISLEP SHÍǴARÍWSHÍ TÁREPINEN TOVARDÍŃ 
SAPASÍNA BERILETUǴÍN KEPILLIK
TOVARDÍŃ JARAMLÍLÍQ KEPILLIGI HÁM MÚDDETI
Ózbekistan  Respublikasınıń  «Tutınıwshılardıń  huqıqların  qorǵaw 
haqqında»ǵı  Nızamına  muwapıq,  uzaq  múddet  paydalanılatuǵın  barlıq 
túrdegi  tovarlar  hám  xızmetlerge  islep  shıǵarıwshı  (orınlawshı)  kepillik 
múddetin  belgilewi  tiyis.  Kepillik  múddeti  tovar  tutınıwshıǵa  satılǵan   
yamasa xızmet kórsetilgen kúnnen baslap esaplanadı. Eger tovar satılǵan 
kúndi  anıqlawdıń  imkanı  bolmasa,  bul  múddet  tovar  islep  shıǵarılǵan 
kúnnen baslap esaplanadı.
Islep  shıǵarıwshı  (orınlawshı)  kepillik  múddeti  dawamında  tovar 
(xızmet)dıń, atap aytqanda, tolšq toplamdaǵš buyımlardıń normal islewin 
(qollanılıwın,  olardan  paydalanılıwın)  támiyinlewi  shárt.  Tolšq  toplam-
daǵš  buyımlardıń  kepillik  múddeti,  eger  nızam  hújjetlerinde  basqasha 
tártip  belgilenbegen  bolsa,  tiykarǵı  buyımnıń  kepillik  múddetinen  kem 
bolmawı tiyis. Kepillik múddeti tovar (xšzmet)dıń pasportında yamasa to-

---

80
vardı satıw yaki xızmet kórsetiw waqtında tovar menen birge tutınıwshıǵa 
beriletuǵın basqa hújjette kórsetiledi.
Dárilik zatlar hám medicinalıq buyımlarda, azıq-awqat hám xızmet 
kórsetiwshi ximiya tovarlarında olardıń islep shıǵarılǵan sánesi, jaramlılıq 
múddeti, sonday-aq olardı saqlaw shártleri kórsetiliwi tiyis. Satıwshılarǵa 
islep  shıǵarılǵan  sánesi  hám  jaramlılıq  múddeti  kórsetilmegen  yaki  ja-
ramlšlšq múddeti ótken tovarlardı qabıllaw hám de ónimdi satšw qadaǵan 
etiledi.