V. A. Kosteckiy MÁmleket hám huqíq tiykarlarí

78
2-tapsırma. 
Tómende  berilgen  jaǵday  menen  tanısıń  hám 
satıwshınıń háreketlerine baha beriń
.
Puqara  T.  dúkánnan  oralǵan  rafinad  qant  pachkasın 
satıp  aldı. Onı  úyinde  ashqanda  qanttıń  ornına  jaqsı  may-
dalanbaǵan  duzdı  kórdi.  Qarıydar  dúkánǵa  qaytıp,  chek 
hám  ashılǵan  pachkanı  kórsetti  hám  pulın  qaytarıp  beri-
win talap etti. Biraq satıwshı bul dúkánnıń ayıbı emesligin 
aytıp, puldı qaytarıp beriwden bas tarttı.
Bunday jaǵdayda satıwshı tutınıwshınıń huqıqın buzǵan ba? 
Eger sonday bolsa, T. óz huqıqların qalay qorǵawı múmkin?
Bilimińizdi sınań! 
1.  Kim tutınıwshı bolıp esaplanadı?
2.  «Tutınıwshılar 
huqıqların 
qorǵaw 
haqqında»ǵı 
Nızamnıń tiykarǵı maqsetin aytıń.
3.  Tovar satıp alǵanlıq yamasa jumıs (xızmet) ushın haqı 
tólengenligin tastıyıqlaytuǵın hújjet ne dep ataladı?
4.  Tovarlar 
haqqındaǵı 
maǵlıwmatta 
qanday 
maǵlıwmatlar beriliwi shárt?
5.  Nızamǵa muwapıq kim satıwshı bolıp tabıladı?
6.  Muwapıqlıq sertifikatı neni tastıyıqlaydı?
7.  Sapası  tómen  yamasa  nuqsanı  bolǵan  tovardš  satıp 
alǵan tutınıwshı neni talap etiwge haqılı?