V. A. Kosteckiy MÁmleket hám huqíq tiykarlarí

34
KONSTITUCIYALÍQ DÚZIM HÁM HUQÍQÍY TÁRTIPLER
Hár bir mámlekette huqıq hám tártiplerdiń bolıwı konstituciyalıq dú-
zimniń kepili bolıp xızmet etedi. Haqıyqattan  da bul eki túsinik bir-biri-
niń bar ekenligin bildiredi. Konstituciyalıq dúzimniń quramınan huqıqıy 
tártipler de orın aladı hám óz ornında konstituciyalıq dúzimniń ámelde 
bolıwın támiyinleydi. 
Mámleket puqaralarınıń Konstituciya hám nızamlarda 
bekkemlengen aymaqları hám erkinliklerin támiyinleydi.
Ózbekistan Respublikası Konstituciyası, 43-statya
Hár bir shaxsqa óz huqıq hám erkinliklerin sud arqalı 
qorǵaw, mámleket organları, lawazımlı shaxslar, jámáátlik 
birlespelerdiń nızamǵa qayshı is-háreketleri ústinen sudqa 
arız qılıw huqıqına kepillik beriledi.
Ózbekistan Respublikası Konstituciyası, 44-statya
 
Konstituciyalıq  dúzimniń  qorǵalıwı  hám  turaqlılıǵı  mámleket  háki-
miyatı  iskerliginiń  nátiyjeli  jolǵa  qoyılıwı  menen  tikkeley  baylanıslı, 
mámleket hákimiyatı óz iskerligin áshkara, xalıqtı xabardar etip turıw jolı 
menen ámelge asırılıwı zárúr.
Mámleket  jámáátlik  birlespelerdiń  huqıqları  hám 
nızamlı  máplerine  ámel  etiliwin  támiyinleydi,  olarǵa 
jámiyetlik turmısta qatnasıw ushın teń huqıqıy imkaniyatlar 
jaratıp beredi.
Mámleketlik  organlar  hám  lawazımlı  shaxslardıń 
já-máátlik  birlespeler  jumısına  aralasıwına,  sonday-
aq  jámáátlik  birlespelerdiń  mámleketlik  organlar  hám 
lawazımlı shaxslardıń jumısına aralasıwına jol qoyılmaydı.