V. A. Kosteckiy MÁmleket hám huqíq tiykarlarí

ÓZBEKISTAN RESPUBLIKASÍ NÍZAMSHÍLÍǴÍNDA 
INSAN HÁM PUQARALARDÍŃ QORǴALÍWÍ
Mámleket ǵárezsizlikke eriskennen soń, Ózbekistan insan huqıqların 
qorǵawdıń  milliy  mexanizmin  de  jaratıp,  basqıshpa-basqısh  bekkemlep 
barmaqta.
Insan huqıqları hám erkinliklerin qorǵawda mámlekettiń ishki mexa-
nizminiń tiykarǵı buwınları tómendegiler:
 
— ádil sudlawdı ámelge asıratuǵın sud organları;
 
— nızamlar anıq orınlanıwın qadaǵalaytuǵın hám insan erkinlikleri 
hám huqıqların qorǵaytuǵın prokuratura organları;
 
— huqıqbuzarlıqlarǵa  shek  qoyılıwı  hám  insan  huqıqlarınıń  qor-
ǵalıwın  támiyinlew  boyınsha  minnetlemelerdi  orınlaytuǵın  ishki 
isler organları.
Mámlekette insan huqıqları boyınsha qosımsha milliy shólkemler de 
dúzilgen. Olarǵa:
 
— Ózbekistan Respublikası Oliy Majlisiniń Insan huqıqları boyınsha 
Wákili (Ombudsman);
 
— Insan huqıqları boyınsha Ózbekistan Respublikası Milliy orayı;
 
— Ózbekistan  Respublikası  Prezidenti  janındaǵı  Ámeldegi  nızam 
hújjetleri monitoringi institutı;
 
— Ózbekistan  Respublikası  Prezidenti  janındaǵı  Isbilermenlik 
subyektleriniń huqıqları hám  nızamlı máplerin qorǵaw boyınsha 
wákili institutı kiredi.

---