Узлуксиз таълим тизимида малакали кадрлар тайёрлаш муаммолари

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
344 
musavvirlar ramziy ma’nolar bilan shakl, matn uyg‘unligi oddiy harf va yozuvlarni badiiy
element, bezak ko‘rinishida san’at darajasiga yetkazganlar. 
Kitobning san’at asari, buyum sifatida yuzaga kelishidagi musavvirning roli katta 
bo‘lsada, u hech qachon birinchi va asosiy o‘rinda e’tirof etilmagan, kitobot san’ati sintetik 
san’at turi sifatida yuzaga kelgan hamda har bir san’at turi o‘z ahamiyatiga ko‘ra kitobning 
muayyan badiiy – estetik jihatlarini qamrab oladi. Bu kasblar bilan bog‘liq bo‘lgan badiiy 
jarayonlar har bir tarixiy davrning ijtimoiy – siyosiy, ma’naviy va madaniy talab va 
ehtiyojlariga mos tarzda o‘z taraqqiyot bosqichi, estetik xususiyatlariga ega. Shu bois 
kitobot san’atining har bir elementidan foydalanish uning yaratuvchi ijodkorlari haqida
ma’lumot berib borish badiiy – estetik ta’lim va tarbiyaning muhim vositasidir.
Shu ma’noda tasviriy san’at ta’limida kitobot san’ati haqidagi ma’lumotlar qiziqarli 
o‘quv materiali bo‘lishi mumkin (Quyida keltirilgan ma’lumotlarni 7- sinfning to‘rtinchi 
choragigagi darslarga tadbiq etish mumkin). 
Sahhoflik. 
Kitob sahifalash va uning kitob shakliga kelishi

juda uzoq davom etgan 

rivojlanish bosqichiga egadir. Sahhoflik kasbi haqidagi ma’lumotlar vositasida bolalarga 
insoniyat tarixida kitobning o‘rni, shakli, ahamiyati haqida tushuncha berilib, asosiy e’tibor 
uning estetik jihatlarini ochib berishga qaratilgan. Kitob sahifalari avval tosh, keyin taxta, 
daraxt bargi va po‘stloqlari, qog‘oz ixtiro qilingandan so‘ng esa qog‘ozga yozilgan.Asta – 
sekin rivojlanib borib, hozirgi shaklga kelgan. Bunda kitob ijodkorlari qulaylik va 
go‘zallikni ta’minlashga alohida e’tibor qaratganlar. Kitob sahifalari nafaqat yozilgan bir 
parcha qog‘oz, balki madaniyat barkamollik omilidir. Kitobga bo‘lgan mehr bolada u bilan 
bog‘liq san’at turlariga mehrning debochasi bo‘ladi. Shu ma’noda barkamol shaxs 
tarbiyasida kitobot san’atiga oid materiallar, xususan, sahhoflik kasbi haqidagi materiallar 
ta’sirchan tarbiya vositasi bo‘ladi.