Узлуксиз таълим тизимида малакали кадрлар тайёрлаш муаммолари

Jismoniy o‘sish.
Jismoniy o‘sish bolalarga xos asosiy funksiyalardan biri bo‘lib, 
kuchli shaxsiylashtirilgan jarayondir. Bunda tana shakli, proporsiyasi va butun tana hajmida 
o‘zgarishlar ko‘rinadi. O‘sish boshqa rivojlanish sohalaridagi progressga bog‘langan. 
Bolaning jismoniy rivojlanish holati umumiy sog‘liqning ko‘rsatkichi hisoblanadi. Bolaning 
boshqa har bir sohadagi yutuqlarga erishish potensiali uning jismoniy rivojlanishidan 
ta’sirlanadi.
Harakat rivojlanishi. 
Harakat rivojlanishi bu bolaning harakat qilish va tananing turli 
qismlarini nazorat qilish qobiliyati hisoblanadi. Harakat rivojlanishida yangilanishlar 
miyaning yetukligiga, sezish tizimi natijalari, og‘irlik va muskullar soni, sog‘lom asab 
tizimi va malakalarni amaliyotda qo‘llash imkoniyatlariga bog‘liq. Harakat qobiliyati juda 
yosh davrda refleksiv bo‘lib, bolaning nazorat qobiliyati rivojlanganidan so‘ng yo‘q bo‘lib 
ketadi.
Anglash rivojlanishi
.
Anglash rivojlanishi bolaning intellekt va aqliy qobiliyatlarining 
kengayishidan iborat. Anglash rivojlanishi atrof-muhitdagi bola va odamlar, ob’ektlar va 
hodisalar o‘rtasidagi muloqotning davomiy jarayoni hisoblanadi. Anglash tanish, qayta 
ishlash, ma’lumotlarni tashkil qilish va ularni o‘z o‘rnida amalda qo‘llashni o‘z ichiga oladi. 
Anglash jarayoni quyidagi aqliy harakatlardan tashkil topadi: ma’lumotni kashf qilish, 
talqin qilish, saralash, tasniflash va yodda saqlash. Anglash fikrlarni baholash, xulosa 
chiqarish, muammoga yechim topish, qoida va tushunchalarni tushunish, oldindan o‘ylash, 
imkoniyat va oqibatlarni tasavvur qilish kabi hodisalarni anglatadi.
Sezish rivojlanishi
.
Sezish rivojlanishi ko‘rish, eshitish, ushlab ko‘rish, hidlash, ta’m 
bilish va tana holatidan olingan ma’lumotlardan foydalanishga qaratilgan. Sezish bir yoki 
bir nechta hislar jamlamasining ishlatilishiga ahamiyat qaratadi: diqqat qaratish uchun 
maxsus aspektni tanlashni o‘rganish; qaysi detallar muhimligini, qaysi farqlar nazarga 
olinishi kerakligini tanlash. Sezish tizimining asoslari tug‘ilish jarayonida yuzaga keladi. 
Tajriba, o‘qish va yetuklikka erishish orqali u axborotni qayta ishlash va izohlar yaratish 
kabi ishlarga olib keladi. Sezishni anglashdan ajratish juda ham qiyin. Shuning uchun ular 
birga ko‘rib chiqiladi va anglash sezish rivojlanishi deb ham ataladi.