Узлуксиз таълим тизимида малакали кадрлар тайёрлаш муаммолари

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
25 

таълим олувчиларга ўзларининг ўқув режаларини индивидуал тарзда тузишларига 
имкон яратиш; 

таълим жараёнида мустақил таълим олишнинг улушини ошириш; 

таълим дастурларининг қулайлиги ва меҳнат бозорида мутахассисга қўйилган 
талабдан келиб чиқиб ўзгартириш мумкинлиги. 

Модулга асосланган ўқув дастурлари махсус схема асосида ишлаб чиқилади ва 
қуйидагиларни ўз ичига қамраб олади: 

ўқув мақсади ҳамда вазифаларнинг тўлиқ очиб берилиши; 

таълим олувчининг фанни (курсни) бошлаши ва тугатиши орттириши лозим 
бўладиган малакасига қўйиладиган талаблар; 

модуль таркибига кирган ҳар бир фаннинг қисқача мазмуни (силлабус), яъни 
маърузалар мавзулари, семинар ва амалий машғулотларнинг режаси, мустақил 
таълимни баҳолаш учун мўлжалланган топшириқлар; 

ўқитишнинг қисқача баёни (ҳар бир ўқитувчи бошида таълим олувчиларга ўз фани 
бўйича ёзма дастур “syllabus” тақдим этиб, унда ушбу фан нималар ҳақида эканлиги, 
унинг ўрганиладиган мавзулар рўйхати, таълим олувчилар фойдаланадиган 
адабиётлар рўйхати, баҳолаш мезонлари ҳақида батафсил маълумот) таълим бериш 
усул ҳамда воситалари; билимларни баҳолашнинг усул ва шаклларидан иборат. 
Модуль асосида ўқитиш тизимида таълим олувчилар билими, малакаси ҳамда 
кўникмасини баҳолашда рейтинг баҳолаш тизимидан фойдаланилади. Унда таълим 
олувчининг барча ўқув фаолияти, яъни аудитория ва аудиториядан ташқарида олган, 
ўзлаштирган билимлари балл бериш орқали баҳоланади 
Ҳисоб-китобларга кўра малака ошириш бир ойда ўқиш ва аттестация учун
4 ҳафта ажратилади. Барча таълим йўналиши ва мутахассисликлар ўқув режаларида 
фанлар икки қисмга, яъни асосий ва танлов фанларига ажратилган ҳолда акс 
эттирилмоқда. ECTS талабидан келиб чиқиб, таълим олувчига малака оширишида
4 кредитни(жами 144 соатни ташкил этади) тўплаш мажбуриятини юклаш 
режалаштирилмоқда. Шунда таълим олувчи 1 ой давомида маъруза, амалий ҳамда 
кўчма машғулотлари ва аттестация жараёнларида иштирок этишига 72 соат, мустақил 
таълимга 72 соат, жами 144 соат вақт сарфлаши лозим бўлади. Бунда 1 кредит = 16 
академик соат + 16 соат мустақил таълимни ташкил этади. Шу боис 1 кредит 36 
соатга тенг деб қаралиб, таълим олувчининг ҳафталик аудитория юкламаси 18 соатга 
тенг. Малакавий амалиёт учун ажратилган кредит миқдори тегишли фан ёки фанлар 
ҳисобига амалга оширилиши кўзда тутилган. Кредит модул тизимини жорий қилишда 
қуйидаги асосий вазифаларни амалга ошириш жоиз: 

Кредит модул тизимига мослаштирилган намунавий ўқув режа дастурларини ишлаб 
чиқиш ва тасдиқлаш( ўқитиладиган фанлар мазмунини ёки силлабус (ўқув 
дастур)ларни ишлаб чиқишда фанларнинг кетма-кетлиги, узвийлиги ва боғлиқлиги 
яъни, интегративлигига алоҳида эътибор қаратиш). 

Ўқитишнинг модуль тизими шароитларида таълим олувчилар билимини назорат 
қилиш тартиби ва битирув ишларини баҳолаш мезонларини ишлаб чиқиш. 

Электрон ҳужжат алмашинувига ўтиш ва ўқув жараёнини рақамлаштириш, шу 
жумладан машғулотлар жадвалини шакллантириш, битирув ишларини ўтказиш, 
баҳолаш, таълим олувчилар рейтингини шакллантириш ва ҳ. к. жорий этишни назарда 
тутувчи «Электрон малака ошириш» (E-MALAKA) лойиҳасини амалга ошириш. 

Кредит модул тизимини амалга ошириш жараёни масофавий ўқитиш 
платформасини жорий этиш бўйича ташкилий чора-тадбирларни амалга ошириш ва 
зарур ускуналар билан жиҳозлаш. 

---