Узлуксиз малака ошириш тизимини янада такомиллаштиришнинг ташкилий механизми

Малака оширишнинг автоматлаштирилган ахборот тизими таълим жараёнлари билан боғлиқ бир неча модулларни ишга тушириш орқали малака ошириш ўқув курсларига доир маълумотлар, видео-аудио ва тарқатма материаллар ҳамда таълим сифатини мониторинг қилиш ва самарадорлигини баҳолаш, маълумотларни бошқариш ва таҳлил қилиш, статистик ҳисоботларни тақдим этиш билан боғлиқ катта хажмдаги маълумотларни тезкорлик билан қайта ишлаб молиявий, вақт ва инсон ресурсларини самарали бошқариш имконини беради.
Кадрлар узлуксиз малакасини ошириш тизимини янада такомиллаштиришнинг ташкилий механизмини қуйидаги босқичларда амалга ошириш таклиф этилади:
Дастлабки босқич:
Корхона ва ташкилотларнинг малака ошириш тизимини такомиллаштириш бўйича мавжуд талаб ва имкониятлардан келиб чиқиб устувор вазифалар белгилаб олиш:
Ахборот тизими (АТ)ни жорий этишнинг мақсад ва вазифаларини аниқ белгилаб олиш;
АТдан фойдаланиш, таълим тизимини мониторинги ва ўқув сифатини назорат қилишни тартибга солувчи низомлар ишлаб чиқиш;
Тингловчи ва ходимларни ўзлаштириш кўрсатгичларини баҳолаш тестлари, ўқув сифатини таҳлил қилиш сўровномалари ва ўқитувчи-тренерларнинг ўқитиш самарадорлигини баҳолаш тартибларини ишлаб чиқиш;
Масофавий малака ошириш ва мустақил ўқиб билим орттириш методикаларини ишлаб чиқиш;
АТни яратиш бўйича техник топшириқ ва техник-иқтисодий асослар ишлаб чиқиш.
I босқич. Малака оширишнинг автоматлаштирилган ахборот тизимини яратиш, уни турли ахборот ва тўлов тизимлари билан интеграциялаш:
АТни 1С: Бухгалтерия ахборот тизими билан интеграция қилиб, ходимлар ҳақидаги зарур маълумотлар АТга тўлиқ юклаб олинади. Ходимлар ҳақидаги маълумотларни ўзгариш интенсивлигини инобатга олиб, икки тизим ўртасида маълумотлар алмашинуви частотаси белгилаб қўйилади.
Ташқаридан фуқароларни тижорат асосида малака оширишга жалб этиш имкониятини инобатга олиб, бир ёки бир нечта тўлов тизимига интеграция қилинади.


II босқич. Малака оширишнинг автоматлаштирилган ахборот тизимини ахборот ресурслари билан тўлдириш:
АТ маълумотлар базаси малака ошириш ўқув курсларига доир дастурлар, маърузалар, тақдимотлар, видео-аудио ва тарқатма материаллар, расмлар, амалий машғулот ишланмалари, турли тест ва сўровномалар, ходимлар ва ўқитувчиларга доир электрон маълумотлар билан тўлдирилади.