Узбекистон Республикаси Ташки Ишлар Вазирлиги

rei 
vindicatio 
ва
actio ex testamento
даъволарини қўллаши мумкин бўлган.
Улар меросхўрлар томонидан легатлар бажарилмаслиги хавфи пайдо 
бўлганда 
cautio legatorum servandorum causa
ёрдамида легатларни ижро 
этишни талаб қилишган. Юстиниан даврида легатарийлар барча мерос 
мулкига қонуний ипотека олиш йўли билан ўз хавфсизлигини таъминлаши 
мумкин бўлган. 
Фидеикомисс тушунчаси.
Фидеикомисс 
деб мерос қолдирувчининг 
меросхўрга мерос мулкидан 3-шахсга бирон-бир буюмни бериш ёки хизмат 
бажариш тўғрисидаги ноформал илтимосига айтилади. Бу илтимос 
легатарий ёки бошқа бирон шахсга маълум мукофот эвазига ҳам 
қилиниши мумкин бўлган. Мукофот олган шахс фидеикомиссарий деб 
аталиб, илтимос қилинган шахс фидуциарий деб аталган. 
Республика даврида фидеикомисс ҳуқуқий ҳимояга эга бўлмаган. 
Кейинчалик, Август даврида cognatio extraordinaria ёрдамида унинг учун 
алоҳида ҳимоя мумкин бўлган.
Фидеикомисс 
васиятномада ва васиятнома билан тасдиқланган 
кодицилларда ва оғзаки равишда ўрнатилган. Фидеикомисс предметига
мерос қолдирувчининг алоҳида буюмлари, 3-шахсларнинг мулки ва,
истисно тариқасида, мерос мулки ҳам киритилган.
Фидеикомисс мақсади меросхўр ёки легатарий қилиб тайинлана 
олмайдиган шахсларга ваколатлар беришдан иборат бўлган, чунки улар
testamento factio passivaга эга бўлмаган ёки мерос қолдирувчи уларга 
қарзлардан иборат мерос қолдириш истаги бўлмаган. Юстиниан 
фидеикомисс ва легатларни тўлиқ бирлаштирди.

---

256 
Универсал фидеикомисс.
Универсал фидеикомисс
фидеикомисс 
предмети бутун меросдан иборат бўлган пайтда вужудга келган. Универсал 
фидеикомисс ёрдамида васият қолдирувчи актив мерос мулкини 
фидеикомиссарийга, мерос мулки бўйича қарзларни эса – меросхўрларга
берган. Шу сабабли учун меросхўрлар мерос мулкини олмаслик мақсадида
jus abstinendi ҳуқуқидан фойдаланишган. Фидеикомиссарийлар меросхўрлар 
меросни қабул қилиб олса, қарзлар бўйича барча тўловларни ўз зиммасига 
олиш кафолати ҳақида стипуляция бериш одати пайдо бўлди. Кейинчалик
s.c. Trebellianum бўйича универсал фидеикомиссарийлар универсал
меросхўрлар билан бирлашиб актив ва пассив мерос мулкини олишган.
Лекин мерос мулки албатта тайинланган меросхўрлар томонидан қабул 
қилиб олиниши ҳақида шарт мавжуд бўлган. S.c. Pegasianum бўйича эса, 
ҳар қандай меросхўр мерос ҳиссасининг чораги қийматини ўзига олиши ва 
ундан кейин меросни қабул қилиб олиши ва қарзлар бўйича жавоб бериши 
мумкин бўлган. Актив ва пассив мерос мулкини меросхўрлар ва универсал 
фидеикомиссарийлар ўртасида бўлиниши тўғрисидаги стипуляциялар пайдо 
бўлди. Юстиниан бу қоидаларни меросхўрлар мерос улушининг чорагини 
олиш ва универсал фидеикомиссарийлар эса heredes loco статусига эга 
бўлишини назарда тутиб бирлаштирди.