Узбекистон республикаси олий ва ҳрта махсус таълим вазирлиги

1.2-расм. Биноларга хизмат кўрсатишнинг зарур турлари.

Режавий-огоҳлантирув таъмирларини ўтказишда маълум бир даврийликка амал қилинади. Бунда капитал таъмирлаш даврийлиги конструкциянинг турига ва унинг материалига, яъни бинонинг капиталлилиги бўйича қайси гуруҳга мансублигига боғлиқ.

Даврий таъмир ҳажми эксплуатация қилинаётган бинонинг ва унинг ички муҳандислик қурилмаларининг техник ҳолатини тавсифловчи дастлабки хизматлар бино ва ер майдонининг техникавий паспорти ҳамда биноларнинг конструктив элементларини, хоналарнинг, муҳандислик қурилмаларини ва ташқи ободонлаштириш кўриклари натижалари акс эттирилган баённомалардан иборат. Бу маълумотлар асосида турар-жой эксплуатация ширкатлари томонидан биноларни капитал таъмирлаш ва ободончилик даражасини кўтариш бўйича истиқболли режаси, ҳамда ҳар бир уйнинг ўрнатилган таъмир даврийлиги бўйича профилактика таъмирининг йиллик режаси ишлаб чиқилади.
Юқорида айтилганлардан келиб чиқиб, бинонинг техник эксплуатациясининг вазифаси қуйидагилардан иборат ²:

• 
  турар-жой бинолари ва конструкцияларини ва бино қисмларини яроқли ҳолатда тутиш;
  
• 
  бино муҳандислик қурилмаларининг бетўхтов ишлашини таъминлаш;
  
• 
  кўрикларни, ҳамда жорий ва капитал, яъни режавий-огоҳлантирув таъмирларини ўз вақтида ўтказиш;
  
• 
  бино атроф-ҳудудини тоза тутиш.
  

Биноларнинг техник эксплуатацияси мақсад ва вазифаларидан фарқли, уларга техник хизмат кўрсатишнинг мақсад ва вазифалари бир мунча кенгроқ. Биноларга хизмат кўрсатишда ўтказиладиган ташкилий тадбирлар қуйидагиларни таъминлайди:

• 
  фуқаролар билан турар-жойни тасарруфга ўтказиш ҳақида шартномалар тузиш ва уларнинг бажарилишини таъминлаш;
  
• 
  ихтисослашган ташкилотлар билан шартномалар тузиш ва улар билан ишлаш, масалан, ахлатларни олиб кетиш, газ-сув таъминоти, лифт хўжалигига хизмат кўрсатиш ва таъмирлаш ва бошқалар;
  
• 
  паспортлаштириш ишларини олиб бориш.
  

Биноларга хизмат кўрсатиш ва эксплуатация қилишнинг ҳамда кўриклар ўтказишнинг шакл ва тамойилини бундай тус олиши, уларга техник хизмат кўрсатишнинг ўзига хослигини, йил давомида узлуксиз тавсифга эга эканлигини кўрсатади.