Ўзбекистон Республикаси Мудофаа вазирлиги тасарруфида 4 та Олий ҳарбий таълим муассасалари мавжуд. Улар қуйидагилар:
Ўзбекистон Республикаси Қуролли Кучлари академияси (Тошкент ш.);
Чирчиқ олий танк қўмондонлик-муҳандислик билим юрти (Чирчиқ ш.);
Ўзбекистон Республикаси олий ҳарбий авиация билим юрти (Қарши ш.);
Мудофаа вазирлиги Ахборот-коммуникация технологиялари ва алоқа ҳарбий институти (Тошкент ш.).
Олий ҳарбий таълим муассасаларига номзодларини ўқишга қабул қилиш
Олий ҳарбий таълим муассасаларига номзодларини ўқишга қабул қилиш Ўбекистон Республикаси Презиленти томонидан тасдиқланган Бутлаш режасига мувофиқ Ўзбекистон Республикаси Мудофаа вазирининг олий ҳарбий таълим муассасаларига қабул ўринларини ажратиш тўғрисидаги буйруғига асосан амалга оширилади.
Олий ҳарбий таълим муассасаларига ўқишга қабул қилиш учун Ўбекистон Республикаси Мудофаа вазирининг буйруғи билан олий ҳарбий таълим муассасалари қабул комиссиялари тузилади ва уларнинг таркиби тасдиқланади.
Қабул комиссиялари қабул йилнинг 10 мартидан 1 сентябрига фаолияти юритилади.
Олий ҳарбий таълим муассасаларига ўқишга киришни хоҳлаган ўн етти ёшдан йигирма уч ёшгача бўлган(харбий хизматчилар ёки ҳарбийга мажбурлар 18 ёшдан 25 ёшгача) фуқаролар ўзларининг яшаш жойидаги мудофаа ишлари бўйича бўлимларига тегишли шакл бўйича ариза билан мурожаат қилади.
Олий ҳарбий таълим муассасаларига ўқишга кириш учун аризалар қабул йилининг 1 февралдан 1 апрелга қадар қабул қилинади.
Олий ҳарбий таълим муассасаларига ўқишга кириш хоҳлаган номзодлар томонидан мудофаа ишлари бўйича бўлимларга қуйидаги ҳужжатлар тақдим этилади:
ариза, паспорт нусхаси, туғилганлик ҳақида гувоҳнома нусхаси, чақирилувчининг қайд этилганлиги тўғрисида гувоҳномаси ёки ҳарбий гувоҳномаси, номзод томонидан қўлда ёки компьютерда ёзилган таржимаи ҳол, анкета, ўқиш, иш (агар ўқиётган ёки ишлаетган бўлса) ва яшаш жойларда тавсфнома ҳамда маълумотнома (яшаш жойидан берилган маълумотномада номзоднинг оила аъзолари кўрсатилади), ота-онасининг иш жойидан маълумотнома (агар ишлаётган бўлса), ота-онасининг олий ҳарбий таълим муассасаларига ўқишга киришига розилик хати, маълумоти тўғрисидаги (умумий ўрта, ўрта махсус, касб-ҳунар) ҳужжатлари (асли нусхаси) хамда рейтинг дафтарчаси (баҳолар табели) нусхаси, олий ҳарбий таълим муассасаларига ўқишга киришга имтиёзлардан фойдаланиш ҳуқуқини тасдиқловчи ҳужжатлар (асли нусхаси), яқин қариндошлар орасида вафот этганлар бўлса, уларнинг ўлим ҳақида гувоҳномасининг нусхаси, 3х4 см. ўлчамдаги 6 дона фотосурат (бош кийимсиз ва бурчаксиз) ҳамда 4,5х6 см. ўлчамдаги 4 дона фотосурат (бош кийимсиз), номзоднинг яшаш жойидаги ҳудудий ички ишлар органидан жиноий жавобгарликка тортилмаганлиги ва судланмаганлиги тўғрисида маълумотнома.
Номзоднинг айрим ҳужжатларга аниқлик киритиш учун қўшимча равишда зарур ҳужжатлар ва ва маълумотлар талаб килиниши ёки тегишли ташкилотлардан сўраб олиниши мумкин.
Номзодлар томонидан ҳужжатларни тақдим этишда паспорт, туғилганлик ҳақида гувоҳнома, чақирилувчининг қайд этилганлиги тўғрисида гувоҳнома ёхуд чақирилувчининг ҳарбий гувоҳномаси шахсан кўрсатилади.
Тегишли шакл бўйича рухсатномани келишиш учун зарур бўлган материаллар белгиланган тартибда расмийлаштирилади.
Дастлабки танлаш тадбирларни ташкил этиш ва ўтказиш Дастлабки танлаш давомида қуйидаги тадбирлар ташкил этилади ва ўтказилади:
ҳужжатларини тўплаш ва ўрганиш;
якка тартибда суҳбатлашиш;
индивидуал-психологик ўрганиш;
умумжисмоний тайёргарлик кўрганлигини баҳолаш;
тиббий кўрикдан ўтказиш.
Дастлабки танлаш тадбирларни икки бисқичида ўтказилади.
Биринчи босқич фуқаро ёшлар учун – туман мудофаа ишлари бўлимларида 1 февралдан 31 мартга қадар амалга оширилади ҳамда ушбу босқичида қуйидаги тадбирлар ташкил этилади ва ўтказилади:
ҳужжатларни тўплаш ва ўрганиш; якка тартибда суҳбатлашиш; бирламчи тиббий кўрикдан ўтказиш. Иккинчи босқич фуқаро ёшлар учун мудофаа ишлари бошқармасида
1 апрелдан 31 майга қадар амалга оширилади ҳамда ушбу босқичда қуйидаги тадбирлар ташкил этилади ва ўтказилади:
индивидуал-психологик ўрганиш; умумжисмоний тайёргарлик кўрганлигини баҳолаш; такрорий тиббий кўрикдан ўтказиш. Дастлабки танлаш тадбирларида иштирок этадиган номзодларнинг сони чекланмайди.
Номзодларнинг ҳужжатларини тўплаш ва ўрганиш ишлари дастлабки танлаш тадбирларнинг биринчи босқичи якунларига қадар (31 мартга қадар) амалга оширилади.
Якка тартибдаги суҳбат ёшлар билан – туман (шаҳар) мудофаа илари бўлимлар бошлиқлари томонидан ўтказилади. Бунда якка тартибдаги суҳбат номзод ариза билан мурожаат қилган кунда 10 кун ичида ўтказилади. Якка тартибдаги суҳбат натижаси бўйича тегишли шаклда якка тартибдаги суҳбат варақаси тўлдирилади.
Номзодларни бирламчи тиббий кўрикдан ўтказиш мудофаа ишлари бошқармаси ҳузуридаги тиббий комиссиялар томонидан амалга оширилади ва
