Узбекистан академия наук республики узбекистан

1-расм. Сузиш бассейнларини табиий газ билан қиздириш схемаси: 
1 – бойлер (иситиш қозони); 2 – насос; 3 – иссиқлик алмашиниш қурилмаси;
4 – фильтр; 5 – бассейн; 
Бассейндаги сувни электр иситкич ёрдамида қиздириш сувни қиздиришнинг энг 
қиммат усулларидан ҳисобланади. Чунки электр энергияси баҳосининг (тарифи) мунтазам 
ўсиб бориши ва электр энергиясини ишлаб чиқаришда табиий органик ёқилғиларнинг сарф 
қилиниши бу усул қўлланилиш самарасининг пасайишига олиб келади. Бундай қурилмалар 
ҳажми жиҳатдан ихчам, уни ўрнатиш тез ва осон ҳамда бошланғич ҳаражатлари арзон. Бу 
қиздириш тизими сувнинг ўзига хам боғлиқ, унда туз булмаслиги керак, чунки электр 
иситкичнинг иситиш элементида тузли шакллар пайдо бўлади. Бу эса электр иситгичнинг 
тез орада ишдан чиқишига олиб келади. (2-расм)
2-расм. Сузиш бассейнларини электр иситкич билан қиздириш схемаси: 
1 – бассейн; 2 – насос; 3 – фильтр; 4 – электр иситкич;
Бассейннинг ҳажми ва жойлашувига қараб унинг қуввати танланади. Бу тизимнинг 
асосий ва энг муҳим камчиликларидан бири сувга электр токининг тарқалиши 
мумкинлигидир. Бу эса инсон учун нихоятда хавфли ҳисобланади.
Қуёш энергияси қайта тикланадиган энергия манбалари орасида, тозалиги, 
ифлосланиш даражасининг пастлиги ва ишончлилиги билан ажралиб туради. Шу сабабли, 
у биноларни совитиш ва иситиш каби кўплаб соҳаларда қўлланилмоқда. Қуёш коллектори 
қуёш энергиясининг асосий манбаларидан бири ҳисобланади ва ёпиқ сузиш бассейнларини 
қиздиришда кенг фойдаланилади. 
Сузиш бассейнларини қиздиришда қуёш коллекторлари билан биргаликда 
ишлайдиган насослар аниқ вақтда, қуёш нурланишига ёки сувнинг қуёш коллекторига 
кириш ва чиқишидаги ҳарорати фарқига қараб ишга тушиши ёки ўчиши (бошқарилиши) 
мумкин. Бошқа насосларни эса бассейн суви ҳароратига қараб бошқариш мумкин. Агар 
сувнинг ҳарорати белгиланган қийматлардан пастроқ бўлса (масалан 27 
о 
С) насослар ишга 
тушади, аксинча бўлганда эса ўчади. Иссиқлик алмашиниш қурилмалари ёпиқ сузиш 
бассейнларига сувни сифатли ва исиган ҳолда етказиб бериш учун ишлатилади. Шуни 
таъкидлаш керакки, бази тадқиқотларда қуёш коллекторлари тўғридан-тўғри ёпиқ 
бассейнларга уланган бўлади. Шунинг учун тизимда сув йиғиш баки ва иссиқлик 
алмашиниш қурилмаси керак бўлмаслиги мумкин (3-расм).