UzAuto Motors hozircha avtomobillar ishlab chiqarishni o‘tgan yilgi ko‘rsatkichga olib chiqa olmadi

Foto: Shuhrat Latipov / «Gazeta.uz»
UzAuto Motors hozircha avtomobillar ishlab chiqarishni o‘tgan yilgi ko‘rsatkichga olib chiqa olmadi
UzAuto Motors zavodidagi ishlab chiqarishning yanvar oyidagi keskin to‘xtashidan so‘ng avtomobillarni ishlab chiqarishni o‘tgan yilgi ko‘rsatkichlariga yetkaza olganicha yo‘q. 2021 yil fevral oyida o‘tgan yilning shu oyiga nisbatan 9 873 ta avtomobil kam ishlab chiqarilgan, mart oyida esa 4543 taga kamroq. Eng ko‘p chiqarilgan avtomobil modeli — Cobalt, eng kam ishlab chiqarilgan model Spark.
Davlat statistika qo‘mitasining hisobotiga ko‘ra, UzAuto Motors 2021 yil yanvar-mart oylarida 44,4 ming dona avtomobil ishlab chiqardi.
Ma’lumotlariga ko‘ra, O‘zbekistonda yengil avtomobillar ishlab chiqarish o‘tgan yilning shu davriga nisbatan 40,2 foizga kamaygan, o‘shanda 75,6 mingta mashina ishlab chiqarilgan (31,2 mingtaga ko‘p).

2021 yilning uch oyi davomida Cobalt avtomobillarini ishlab chiqarish 28,5 foizga (17,7 mingdan 12,6 ming donaga), Nexia — 66,4 foizga (20,7 mingdan 6 958 tagacha), Gentra — 41,9 foizga (14,4 mingdan 8 399 tagacha), Damas — 7,1%ga (12,9 mingdan 12 minggacha), Spark — 78,2% ga (8 256 dan 1800 gacha) kamaygan. UzAuto Motors faqat Labo ishlab chiqarishni 74,4 foizga — 1470 dan 2564 tagacha oshirdi.
Avtomobil ishlab chiqarish

	yanvar	fevral	mart	yanvar-mart
2020	22 000	27 014	26 621	75 635
2021	5 235	17 141	22 078	44 454

Avtomobil ishlab chiqarish modellar kesimida

Avtomobil modeli	yanvar 2020 / 2021	Fevral 2020 / 2021	Mart 2020 / 2021	yanvar-mart 2020 / 2021
Cobalt	5078 / 101	6301 / 6026	6 380 / 5 924	17 759 / 12 682
Nexia	5962 / 88	7608 / 3153	7 151 / 3 717	20 721 / 6 958
Damas	3989 / 4335	4496 / 3506	4485 / 4210	12 970 / 12 051
Gentra	4340 / 2	5102 / 2911	5017 / 5486	14 459 / 8 399
Spark	2320 / 39	3003 / 996	2933 / 765	8256 / 1 800
Labo	311 / 670	504 / 549	655 / 1345	1 470 / 2 564

Mart oyining boshida kompaniya yarimo‘tkazgichlarning global tanqisligi sababli ishlab chiqarilgan avtomobillarni yetkazib berish muddatlarini o‘zgartirishni режалаштираётgaниниэълон qilgan edi.