ЎҚув-услубий мажума малака

Кириш

Ўзбекистон Республикаси Президентининг 2018 йил 5 сентябрдаги “Халқ таълими тизимига бошқарувнинг янги тамойилларини жорий этиш чора- тадбирлари тўғрисида”ги ПҚ-3931-сонли қарорига мувофиқ, мазмун ва сифат жиҳатидан халқаро талабларга жавоб берадиган, илғор педагогик ва ахборот- коммуникация технологияларини қўллаган ҳолда янгиланган ўқув режалари ва дастурларига мувофиқ ишлаб чиқилган ўқув ва ўқув-методик адабиётларнинг янги авлодини тайёрлаш ва нашр этишни ташқил қилиш вазифалари белгилаб берилган. Шу билан бирга, педагог кадрларни танлаш, тайёрлаш, қайта тайёрлаш ва уларнинг малакасини оширишнинг илғор ва шаффоф ташқилий- ҳуқуқий механизмларини жорий этиш тизимини янада такомиллаштириш тақозо этади.
Ишчи дастури Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли ва 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги ПФ-5106 Фармонларида белгиланган демократик давлат қуриш ва фуқаролик жамиятини ривожлантириш борасидаги ислоҳотларда ёшлар фаоллигини ошириш билан боғлиқ бир қатор янги ва муҳим устувор вазифалар мазмунидан келиб чиққан ҳолда тузилган бўлиб, у замонавий талаблар асосида умумий ўрта таълим мактаблари амалиётчи психологлари малакасини ошириш жараёнларининг мазмунини такомиллаштириш ҳамда уларнинг касбий психологик фаолиятини самарасини оширишни назарда тутади.
“Ёшлар билан ишлаш психологияси ва мулоқот маданияти” модулининг ишчи дастури ёшлар етакчиларининг малакасини ошириш курсининг ўқув дастури асосида тузилган бўлиб, у ёшлар етакчиларига ёшлар билан иш олиб боришнинг психологиясини ҳамда улар билан мулоқот қилиш маданиятининг мазмун ва моҳиятини очиб беради.


Модулнинг мақсади ва вазифалари
Модулнинг мақсади: ёшлар етакчиларининг ўқув – тарбия жараёнини ташқил этиш, бошқариш ва амалга оширишнинг назарий – амалий асосларини фаолиятига татбиқ этиш компетенцияларини ривожлантириш.