ЎҚув-услубий мажмуа фарғона 20

Жаҳонда иш олиб бораётган бир неча ўн минглаб катта-кичик суғурта ташкилотлари, уларнинг филиалларининг тузилиши бир хил эмас. Бу ташкилотларни қуйидаги гуруҳларга бўлиш мумкин:

1. 
   Фуқароларнинг барча табақаларига хизмат қилувчи, акциялари биржа ва бошқа йўл билан сотиладиган эркин суғурта компаниялари.
   
2. 
   Хусусий акционерлик суғурта компаниялари, бу ташкилотларнинг хусусияти шундан иборатки, унинг акцияларига маълум доирадаги шахслар эгалик қиладилар. Жамият қарори билан ишончли кишиларга уларни акциялари сотилиши мумкин.
   
3. 
   Давлат суғурта компаниялари, уларнинг акцияларига давлат тўла ёки қисман эгалик қилади. Бундан ташқари давлат томонидан айрим ихтисослашган суғурта ташкилотлари барпо қилиниши мумкин.
   
4. 
   Ўзаро суғурталаш жамиятлари. Айрим ишлаб чиқариш соҳаларида бундай суғурта компаниялари тузилиб, уларни асосий мақсади фойда олиш бўлмасдан, мураккаб вазиятларда бир-бирларига ўзаро ёрдам кўрсатишдир.
   
5. 
   Айрим саноат ва савдо тармоқларига хизмат қилувчи ихтисослашган суғурта ташкилотлари. Масалан: авиация соҳасида суғурталаш чегараланган бўлгани учун, улар ўз тармоқлари бўйича ихтисослашган ташкилотларни тузадилар.
   

Бундан ташқари “Ллойд” суғурта ташкилотига ўхшаш суғурта синдикатлари ҳам мавжуд.
Суғурта ташкилотлари ихтисослашган ва ихтисослашмаган асосда ўз ишларини ташкил қиладилар, ихтисослашмаган суғурта ташкилотлари суғуртанинг бир неча турлари бўйича ўз фаолиятларини амалга оширадилар. Ихтисослашган суғурта ташкилотлари кўпинча бир-икки ихтисослик йўналишларида иш олиб борадилар.
Суғурта ташкилотлари суғурта объектлари ва таваккалчиликлар турлари бўйича ҳам гуруҳланадилар. Дастлаб шуни айтиш керакки, бундай ихтисослашиш 1978 йил 1 январдан бошлаб ташкил қилинган Европа иқтисодий ҳамкорлик тизимида тўлароқ ўз ифодасини топган. Бу тизимда суғуртанинг барча турлари икки гуруҳга бўлинади: узоқ муддатли ва қисқа муддатли умумий суғурта гуруҳларига.