Ўқув қулланма Тошкент 2011 йил

1.3.2. WiMAX технологияси

Worldwide Interoperability for Microware Acces (WiMAX, инглизчадан, ЎЮЧ диапазонида уланиш бўйича бутун дунё ҳамкорлиги) - бу IEEE институти (802.16 гуруҳи) томонидан стандартлаштирилган катта масофаларда “сўнгги миля” муаммосини альтернатив ечими сифатида қайд қилинган симли линиялар ва кабель технологияларини тўлдирувчи кенг полосали симсиз уланиш технологиясидир. WiMAX технологиясидан шаҳар миқёсида кенг полосали уланиш тармоқларини (ингл. Metropolitan Area Networks, MAN) яратиш, симсиз уланиш нуқталарини ташкил қилиш (“нуқта - кўп нуқта” режими), бир-биридан олис объектлар орасида юқори сифатли алоқа ташкил этиш (“нуқта - нуқта” режими) ва шунга ўхшаш масалаларни ечиш учун фойдаланиш мумкин.
Умуман олганда, IEEE 802.16 стандартининг таянч характеристикалари 50 километргача бўлган таъсирнинг узоқлиги даражасини, тўғри кўриниш зонасидан ташқарида ишлаш имкониятини, ТС нинг бир секторида (жами ТС 6 тагача секторга эга бўлиши мумкин) маълумот алмашув тезлигини максимал (пик) ҳолатда 70Mbit/sekгача кўтарилишини кўзда тутади. WiMAX тармоқларининг жиҳозлари 2 - 11GGs диапазонида 10-20MGs кенгликдаги бир неча каналларда ишлаши мумкин. Частота диапазонларнинг бунчалик кенг танланиши дунёнинг кўплаб мамлакатлари спецификация (тавсифнома)ларини ҳисобга олиш учун қилинган.
Шундай қилиб, WiMAX маълумот узатиш тезлиги бўйича симли тармоқлар билан таққослана оладиган ва унумдорлик ҳамда қоплаш бўйича замонавий Wi-Fi тармоқларидан юқорироқ бўлган Интернетга тезкор уланиш учун яратилган технология ҳисобланади. Ўз навбатида, айнан Wi-Fi локал тармоқлари ёки фойдаланувчиларнинг турли тижорат ва маиший симли тармоқлари WiMAX “магистрал тармоқлари”нинг давоми бўлиб хизмат қилиши мумкин. Идеал ҳолатда, WiMAX, соҳа стандартларига асосланган бўлиб, шаҳарлар ва қишлоқларда уй фойдаланувчилари, корхоналар ва мобил симсиз тармоқлар учун юқори тезликдаги, шу билан бирга, нисбатан қиммат бўлмаган алоқани ташкил этиш учун ишлаб чиқилган технология ҳисобланади.