Ўқув қулланма Тошкент 2011 йил

5.4.1. WiMAX профиллари

Умумий ҳолатда WiMAX тармоғи таянч станцияси ва абонент ускунаси, шунингдек ўзаро ва бошқа умумий уланиш тармоқлари билан алоқа қилувчи таянч станцияларидан иборат бўлади. ТС ва АУ орасида уланиш бир неча режимда амалга оширилади: доимий(фиксацияланган алоқа), сеансли, кўчма ва мобил. WiMAX тизими «охирги миля» муаммоларини ҳал қилиш учун ва узоқлаштирилган объектлар ўртасида кенг полосали симсиз алоқани таъминлаш учун қўлланилади. Тармоқда ҳеч бўлмаганда битта ТС симли умумий фойдаланиш тармоғига чиқиш имконига эга бўлса, БСлар ўртасида алоқа ўрнатилади. IEEE 802.16 стандартлар оиласининг тармоқ тузилиши анъанавий GSM тармоқлариникига ўхшаш бўлади. ТС ўн километр масофагача сигнал узатишни амалга оширади, ТС ларни ўрнатиш учун вишка зарур эмас – ТС ларни уйларнинг томига бир-бирига тўғридан-тўғри кўриниб турадиган қилиб ўрнатиш мумкин.
WiMAX стандарти физик поғонасига тегишли барча талабларга мувофиқ равишда амалиётда " WiMAX профили " атамаси қўлланилади. Қуйидаги расмда кўрсатилгандек, бир неча WiMAX профиллари ўзаро фарқланади.
Бундан ташқари, сертификатланган профиллар ҳам мавжуд бўлиб, стандартлар талабларига мос равишда ҳар хил ускуналарни сертификатлаш мақсадида фойдаланилади. Бунда «Плагфест» (инг. Plugfest⁴⁴) деб номланувчи ускунадан фойдаланиб сертификатланган профиллардан бири асосида WiMAX стандартига қўйилган талабларга мос холда WiMAX Форум лабораторияларида ускуналарни тестлаш амалга оширилади. Вақт ўтиши билан WiMAX стандартига тегишли бўлган профилар такомиллашиб бормоқда. 2007 йил бошида қуйидаги сертификацияланган профиллар тавсифлаб берилди: 5 профил доимий алоқали WiMAX учун ва 13 профил мобил WiMAX учун. Профиллардан баъзилари 5.11-жадвалда келтирилган.
5.10-жадвал
WiMAX профиллари параметрлари