Ўқув қулланма Тошкент 2011 йил

C_SISO = f_glog₂(1+S/N). (3.1)

(3.1) формуласи каналнинг f_g кенглигини ва “сигнал-шовқин” нисбати (S/N) ни ҳисобга олади. Каналнинг ўтказиш қобилиятини оширишга қаратилган кўплаб такомиллаштиришлар ўтказиш полосасини кенгайтириш ёки ҳар хил турдаги модуляциялардан фойдаланишга асосланган. Лекин улар ҳозирги кунга келиб тизим спектрал самарадорлигини етарлича ошира олмаяптилар. Улардан фарқли равишда MIMO технологияси кўплаб антенналар воситасида сигналлар оқимлари сонини ошириш ҳисобига қўшимча ютуқ бермоқда. Агар М кўрсаткичи орқали узатгич - М_t ёки қабул қилгич - М_r лар антенналарининг энг кам қийматига тенг фазовий оқимлар сони белгиланса (масалан, 2*3 ёки 2*4 MIMO конфигурациясили тизимларда фақат икки ишончли ва тўлақонли фазовий оқим қўллаб-қувватланиши мумкин), у ҳолда Шеннон формуласини MIMO тизими учун қуйидаги кўринишда ёзиш мумкин:

C_MIMO = Mf_glog₂(1+S/N). (3.2)

Бундан кўринадики MIMO тизимларида каналнинг ўтказиш қобилияти антенналар сонининг ўсиши билан чизиқли боғлиқликда ошади.

Кўп сонли антенналарнинг носимметрик тарзда шаклланганлигини хам хисобга олиш мумкин. Бундай тўпламларда (масалан 1*2 ёки 2*1) каналнинг ўтказиш қобилияти - C_Tx/Rx нинг ўсишини қайд этиш учун логарифмик боғлиқликли формуладан фойдаланилади (фақат бу ҳолда М кўрсаткичи M_t ёки M_r нинг максимумига тенг олинади):


C_Tx/Rx = f_glog₂(1+M(S/N)). (3.3)

Қуйида MIMO нинг турли иш режимларини кўриб чиқамиз.