ЎҚув методика маркази

Болалар билимини текшириш ва мустаҳкамлаш учун саволлар
-Бугун болалар, қайси товуш иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “Sh” товуши сўзнинг бошида келди?
-Қайси сўзда “Sh” товуши сўзнинг ўртасида келди?
-Қайси сўзда “Sh” товуши сўзнинг охирида келди?
5-машғулот
Мавзу: Шахсий ҳаётдан ҳикоя тузиш: “Дам олиш куни”
Мақсад:
Тарбиячи таклиф этган мавзу бўйича болаларнинг шахсий тажрибалари асосида мантиқий ривожланиб борувчи ҳикоя тузиш қобилиятларини ривожлантириш.
Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш.Товушларни сўзларда аниқ айтиш. Болаларни мазмунли суратлар билан ўйин жараёнида тўлиқ жумлалар тузишларига эришиш.
Кутилаётган натижалар:
Болаларнинг боғланган нутқи ривожланади.
Болалар мантиқий ривожланиб борувчи ҳикоя тузишни ўрганадилар.
Керакли жиҳозлар:
Кун тартибидаги меҳнат фаолиятини ва бошқа жараёнларни ифодаловчи суратлар
“Оила” ўйинига керакли жиҳозлар
Машғулотнинг бориши
Тарбиячи:
1. Кеча қандай кун эди?
2. Дам олиш кунингиз яхши ўтдими?
Келинглар, ҳозир дам олиш кунингиз қандай ўтганлиги тўғрисида ҳикоя тузамиз. Ҳикоя тузишдан аввал кичкина суҳбат ўтказиб оламиз:
1. Кеча қандай кун эди?
2. Об-ҳаво қандай эди?
3. Сиз қандай ўйинлар ўйнадингиз?
4. Ота-онангиз нима ишлар қилишди?
5. Қаерга бордингиз?
6. Уй ишларига ёрдамлашдингизми?
Савол-жавобдан сўнг тарбиячи болаларга ҳикоя тузишни таклиф этади (3-4 бола ҳикоялари тингланади).
Тарбиячи болалар билан серияли, мазмунли суратлар билан ишлайди.
Бунда болалар кун тартибидаги меҳнат фаолиятини ва бошқа жараёнларни изчилликда айтиб беришлари керак.
Саводга тайёрлаш бўйича амалий машқ
Болалар, “V” товушига сўз топ ўйинини ўйнаймиз. “V” товуши ундош товуш. Мен “V” товушини айтганимда истаганча чўзиб айта олмайман.
Оғзимни кузатинг “V”. Товушлар тўсиққа учраса, қисқа айтилса ундош товуш дейилади. “V” товуши қисқа айтилди, тўсиққа учради. Биз яна қандай ундош товушларни ўрганганмиз? (“N”, “L”,”Sh” “B”…)