ЎҚув методика маркази

Болалар билимини текшириш ва мустаҳкамлаш учун саволлар
-Нечта сўздан иборат гаплар туздик?
-Қайси сўзда “Z” товуши сўзнинг бошида келди?
-Қайси сўзда “Z” товуши сўзнинг ўртасида келди?
-Қайси сўзда “Z” товуши сўзнинг охирида келди?
5-машғулот
Мавзу: Шахсий ҳаётдан ҳикоя тузиш:
“Бизнинг оила”
Мақсад:
Тарбиячининг намунаси асосида шахсий ҳаётда бўлган воқеаларни ҳикоя қилиб, сўзлаб беришга ўргатиш.
Вазифалар:
Болаларнинг сўзлашув нутқини ривожлантириш.Сўзлаётганда тўғри нафас олишни ривожлантириш.Товушларни сўзларда аниқ айтиш.
Гапирганда сўзларни бир-бирига боғлаб, жумлалар тузишга ўргатиш. Ундош товушлар ҳақидаги тушунчаларини мустаҳкамлаш.
Кутилаётган натижалар:
Болаларнинг сўзлашув нутқи ривожланади.
Болаларнинг сўзларни бир-бирига боғлаб, жумлалар тузиш малакаси мустаҳкамланади. Унли ва ундош товушлар ҳақида тушунчага эга бўладилар.
Керакли жиҳозлар:
“Оила” ўйини учун керакли жиҳозлар
Машғулотнинг бориши
Тарбиячи: Болажонлар, бугун ҳаммамиз, ўз оиламиз ҳақида гапириб беришни ўрганамиз.
1. Оилангизда нечта киши бор?
2. Сиз уйингизда кимлар билан яшайсиз?
3. Оилангиздагилар нима иш қилишади?
4. Улар ким бўлиб ишлайдилар?
5. Сиз уй ишларида қандай ёрдам берасиз?
Тарбиячи: Мана, оилангиз ҳақида ҳам суҳбатлашиб олдик. Энди “Бизнинг оила” мавзусида ҳикоя тузамиз.
Тарбиячи намуна ҳикоясини бериши мумкин: Оиламизда тўрт киши бор. Отам, онам, акам ва мен. Отам муҳандис. Онам боғчада тарбиячи. Акам мактабда ўқийди. Мен боғчага бораман. Мен акам билан уй ишларида онамга ёрдамлашамиз: чанг артамиз, гулларга сув қуямиз. Оёқ кийимларни тартибга соламиз, тахлаб қўямиз.
(5-6 нафар бола жавоби).
Бармоқлар машқи
Тарбиячи шеърни ўқиб туради. Болалар ҳаракатни бажарадилар.
Б армоқлар саломлашадилар
Салом деймиз ҳаммага
Тоға, хола, аммага.
Ҳатто қўшни ҳовлида
Юрган товуқ холага.

Ўнг қўл бош бармоғининг учи навбатма-навбат аввал кўрсаткич, сўнгра ўрта, номсиз бармоқ ва жимжилоқ учларига теккизилади

“Оила” ўйини
Тарбиячи: Болажонлар, энди оила ўйинини ўйнаймиз. Бу ўйинда кимнинг ролини бажаришни хоҳлайсиз? (Болалар ўз хоҳишларига билан ролларни танлашади, тарбиячи ўйин мазмунини ривожлантириш бўйича маслаҳатлар бериб туради).