Ўқув фанининг мақсади ва вазифалари

Фаннинг ўқув режадаги бошқа фанлар билан ўзаро боғлиқлига ва услубий жиҳатдан узвий кетма-кетлиги
Магистрант “Нефть-газни термик ва каталитик қайта ишлаш ” ўқув фани бўйича дастурни етарли даражада ўзлаштириши учун органик кимё, физик кимё, нефть ва табиий газ кимёси, кимёвий кинетика ва катализ, кимёвий технология ва бошқа фанлардан етарли билим ва кўникмаларга эга бўлиши талаб этилади.
Фанни ўқитишда замонавий ахборот ва педагогик технологиялар
Дастурда кўрсатилган мавзулар маъруза, амалий, лаборатория ва семинар машғулотлари шаклида олиб борилади. Шунингдек, фаннинг айрим мавзулари ёки мавзуга доир маълумотлар магистрантларга реферат ёки мустақил иш сифатида берилади ва назорат қилинади. Фанни ўқитишда айрим мавзулар бўйича илмий мақолалар, ўқув ва услубий қўлланмалар, маъруза матнлари, реферат ишлари ва тарқатма материаллар, электрон материаллар ва воситалар, виртуал стендлар, жадваллар, технологик схемалар, модел қурилмалар ва кўргазмали тажрибалар, соҳага оид илмий тадқиқот институтларининг илмий ишларидан самарали фойдаланилади. Магистрантларга фаннинг баъзи мавзулари бўйича дарслар электрон воситалар ёрдамида ташкил қилинади, фанни ўзлаштиришлари учун ўқитишнинг илғор ва замонавий усулларидан фойдаланиш, янги ахборот-педагогик технологияларни тадбиқ қилиш амалга оширилади.
Асосий қисм
Фаннинг назарий машғулотлар мазмуни
Нефть -газни термокаталитик қайта ишлашнинг асосий тамойиллари
Нефть ва табиий газ углеводородларини термик ўзгаришлари. Термик крекинг. Термик пиролиз ва кокслаш. Термик қайта ишлашнинг термодинамикаси ва кинетикаси. Углеводородларни газ фазада ва суюқ фазада кетадиган термик реакциялари. Термик қайта ишлашнинг лаборатория ва саноат қурилмалари, уларда жараёнларни олиб бориш шароитлари. Термик қайта ишлашнинг экологик муаммолари. Атроф муҳитни заҳарлайдиган қўшимча маҳсулотларни утиллаш.
Термокаталитик қайта ишлашда қўлланиладиган катализаторлар
Углеводородларни термокаталитик ўзгаришлари. Катализнинг умумий принциплари. Каталитик крекинг жараёни. Катализаторнинг циркуляция даражаси. Авиабензин олиш учун енгил хом-ашёни каталитик крекинги. Каталитик крекинг жараёни катализаторлари ва уларнинг регенерацияси.