Ўқув фанининг долзарблиги ва олий касбий таълимдаги ўрни

1. 
   Ўқув фанининг долзарблиги ва олий касбий таълимдаги ўрни
   

Ушбу дастур талабаларнинг тез тиббий ёрдам кафедрасида ўқиш даврида ўрганиши лозим бўлган назарий билимлари ва амалий кўникмалар ҳажмини аниқлаб беришга хизмат қилади.
Дастур шошилич тиббиёт соҳасида охирги йилларда эришилган илмий ва амалий ютуқларни, шу соҳага оид қабул қилинган асосий қонунчиликлар ва Ўзбекистон Республикаси олий тиббий таълими бўйича Давлат Таълим Стандарти (ДТС) ни ҳисобга олган ҳолда ишлаб чиқилган.
Ушбу дастур тиббиёт институтлари, даволаш иши (Касб таълими) йуналиши бакалавриатура босқичи талабалари учун тузилган бўлиб, унинг моҳияти талабаларнинг фавқулот вазиятларда шошилинч тиббий ёрдам кўрсатиш, шошилинч ҳолатларда тезкор диагностика қилиш, шошилинч тиббий ёрдам кўрсатишнинг замонавий тизимлари ва бўлинмаларини ўрганиш, Республикамизда шифохонагача ва шифохона босқичида ягона, тўлиқ бўлган шошилинч тиббий ёрдам тизимини яратиш тамойилларини ўрагатишни ўз ичига олади.
Дастурда талабалар томонидан ўзлаштириши лозим бўлган инсонларда экзоген ва эндоген сабаб билан учровчи шошилинч ҳолатлар, уларнинг диагностикаси, шошилинч тез тиббий ёрдам кўрсатиш бўйича назарий ва амалий билимлар тўлиқ берилган. Ушбу дастур орқали талабалар шошилинч тиббий ёрдамни ташкил қидиш тамойиллари билан янада яқин танишиб олади. Шунингдек ҳалокатлар вақтида тез тиббий ёрдамни ташкил қилиш ва ёрдам кўрсатишнинг ўзига хос жиҳатлари борасида ҳам дастурда батафсил маълумотлар берилган.
Тез тиббий ёрдам, фавқулодда вазиятлар фанида олинган маълумотлар тиббиёт ходимининг дунёқарашларини шаклланишида, уларни шошилинч ҳолатларда мантиқий тезкор фикр юрита олишга ўргатишда катта аҳамиятга эга. Мазкур дастур ҳозирги замон шошилинч тиббий ёрдам ютуқларидан фойдаланилган ҳолда тузилган бўлиб, ўқув жараёнида қўлланиладиган янги педагогик технологиялар талабалар учун фанни янада чуқур ўзлаштиришида ўз самарасини беради. Ушбу фан XI ва XII семестрларда ўқитилади. Дастурни амалга ошириш ўқув режасида белгиланган ички касалликлар, реанимация ва интенсив даволаш, неврология, травматология, хирургия, нейрохирургия, педиатрия, юқумли кассалликлар, жамоат саломатлиги ва соғлиқни сақлаш, эпидемиология каби фанларини ўқитиш учун асос бўлиб хизмат қилади.

2.