Устознинг энг буюк бурчи унинг халққа нафи тегадиган, ақл-идрокли, қобилиятли, уқувли шогирдлар тайёрлашдир

Эрталабки соатларни режалаштириш. Эрталабки соатларга қуйидагилар режалаштирилади:
1. Болаларнинг оғзаки нутқини тузатиш ва ривожлантириш:
а) китоблар, ўйинчоқлар, боланинг дам олиш кунини қандай ўтказгани, унинг оила аъзолари ота-онаси, опа-синглиси, ака-укаси ва шунга ўхшашлар тўғрисида жамоа тарзида ва якка тартибда суҳбатлар ўтказиш
б) альбомлар, журналлар, янги китоблар, рассомларнинг янги асарларини кўриш;
в) шеърларни такрорлаш;
г) тўғри талаффуз қилишга ўргатиш, нутқнинг грамматик
тузилишини шакллантирувчи дидактик ўйинлар;
д) товушларни тўғрилаш бўйича якка тартибда шуғулланиш.
2.Болаларни катталик, ранг, вақт, фазовий масофа билан таништириш бўйича дидактик ўйинларни режалаштириш (кичик ва ўрта гуруҳларда).
3. Болалар хохлаган фаолият режалаштирилади. Болалар­нинг мустақил шуғулланишлари учун пластилин, буёқлар, қаламлар, бўяшлари учун расмли китобчалар ва ўзларининг чизган расмлари берилади.
4. Болалар томоша қилишлари учун халқ ўйинчоқлари, кийимлар, кашталар, идиш-товоқлар, нарса-буюмлар, миллий кийимдаги қўғирчоклар берилади.
5. Болаларни маданий-гигиеник малакаларга ўргатиш бў­йича якка тартибдаги ишлар режалаштирилади, масалан, кич­кина гуруҳда дастрўмолчадан фойдаланишга ўргатиш бўйича дидактик ўйин ўтказилади.,
6. Коптокии думалатиш, гардишни айлантириш, тирмашиб чиқиш, сирпаниб юриш каби асосий ҳаракатларни ривожлантирувчи ишлар режалаштирилади.
7. Ашула ва рақснинг айрим қисмларини такрорлаш режа­лаштирилади.
8. Болаларнинг ўйин фаолиятлари режалаштирилади:
а) қурилиш ўйинлари роль, сюжет билан боғлик қурилиш
ўйинлари режалаштирилади;
б) сюжетли-ролли ўйинлар, турмушни акс эттирувчи ва бошқа
шунга ўхшаш ўйинлар режалаштирилади;
в) стол усти босма дидактик ўйинлари, сўзли буюмлар билан
ўйналадиган дидактик ўйинлар, эрмак ўйинлар, хоровод
ўйинлар, халқ дидактик ўйинлари режалаштирилади. Болаларнинг сезгисини, идрокини, товушларни идрок этишини, ранг, вақт, дидни, нутқни ўстирувчи ишлар режалаштирилади. Драмалаштириш ва спорт ўйинлари ҳам режалаштирилади.