Усмонов Б. Ш., Хабибуллаев Р. А

credit system
) яратишни мақсад қилиб 
қўйишган. 
Болонья Декларацияси асосида эндиликда таълим сифатини баҳолаш 
критерийларини ва баҳолаш методларини ишлаб чиқиш, миллий ҳокимиятлар 
ва халқаро ташкилотларга боғлиқ бўлмаган аккредитация агентликларини 
тузиш кутилмоқда. Баҳолаш таълимнинг давомийлиги ёки мазмунига эмас, 
балки битирувчиларнинг олган билимлари, уқув ва кўникмалари, 
компетенцияларига асосланади. 
Кредитлар умумевропа таълим тизимининг муҳим таркибий қисми 
ҳисобланади. Ҳар бир ўқув фанига юклама ҳажмидан, келгусидаги касбий 
фаолияти учун муҳимлигидан келиб чиқиб кредит бали белгиланади. Талаба 
ҳар бир фанни муваффақиятли ўзлаштирган тақдирда белгиланган 
кредитларни олади ва бу кредитлар йиғиндиси унга мос бўлган бакалавр ёки 
магистрлик даражасини олишга имкон беради. 

---

7 
Таълим дастурларини ўлчаш ва таққослашнинг синов бирликлари 
тизими (ёки кредит тизими) Ғарбий Европа ва Америка университетларида ўн 
йиллар давомида қўлланилиб келинмоқда. Кредит тизими ўқув дастурларини 
шаффоф ва энг асосийси, таққосланувчан қилади, бу эса талабаларнинг 
академик мобиллигини оширишга имконият яратади. 
Мамлакат таълим тизимининг репродуктив ҳолатдан узлуксиз 
ривожланувчи, очиқ ҳолатга ўтиши ҳамда таълим олувчиларни ўз таълимий ва 
ижтимоий-маданий манфаатларини юзага чиқаришга йўналтириш жараёнлари 
таълим тизими бош субъектларининг – таълим олувчилар ва ўқитувчиларнинг 
ўз фаолиятига муносабатини ўзгартиришини тақозо қилди. Бу ҳолат кредит 
таълим тизими бўйича таълим жараёнини ташкил қилишга тўла мос келади. 
Кредит таълим тизимига ўтиш Ўзбекистон Республикасида таълим 
босқичлари ва академик даражаларни аниқ баҳолашга имкон беради ва уларни 
шаффоф, ташҳисланадиган ва тан олинадиган ҳолатга келтиради. Бу эса 
жаҳонда тобора оммалашиб бораётган таълим муҳитига қўшилишнинг бош 
шартларидан бири ҳисобланади. 
Академик 
кредитнинг 
жорий 
қилиниши 
ўқув 
режаларини 
такомиллаштириш, интеграллашган ўқув курслари, қўшма таълим 
дастурларини яратиш орқали олий таълим тизимини янгича ташкил қилиш 
учун асос бўлади ва жаҳон бозорида бизнинг таълимимиз ва 
мутахассисларимизнинг рақобатбардошлигини таъминлайди. 

---

8