Usmanova N. Yu. Iqtisodiyot va moliyaviy menejment

 
Nazorat savollari 
1.
Moliyaviy menejment qanday axborotlar bilan ta`minlanadi? 
2.
Strategik moliyaviy menejment nimani ko`zlaydi? 
3.
Korxona moliyaviy resurslari qanday yo`naltiriladi? 
4.
Uzbekiston Respublikasida moliviy hisobot o`tkazishning huquqiy me`yoriy 
asoslari nimalarga asoslanadi? 
5.
Moliyaviy hisobotlarga bo`lgan talab nimalarni tashkil etadi? 

---

193 
XIII BOB.
MOLIYAVIY TAHLILNING ASOSLARI 
 
Reja: 
13.1. Moliyaviy tahlilning turlari va o`tkazish uslublari. 
13.2. Moliyaviy koeffitsientlar va ko`rsatkichlar bilan ishlash. 
13.3. Subyektlarni moliyaviy baholashda moliyaviy hisobotlar va koeffisentlardan 
foydalanish usullari. 
Tayanch iboralar: 
moliyaviy koeffisientlar, moliyaviy tahlil, moliyaviy 
ko`rsatkichlar, moliyaviy baholash. 
13.1. Moliyaviy tahlilning turlari va o`tkazish uslublari. 
Iqtisodiy tahlil qilishda, ma`lumotlarni qayta ishlashda turli-tuman uslublar 
qo`llaniladi. Bu uslublarni qo`llash jarayonida tahlil metodining asosiy 
xususiyatlari kompleks va sistemalashganligi yaqqol ko`rinadi. Xo`jalik jarayon-
larining umumiy birligi, ketma-ketligi va ayrim elementlardan iboratligi tahlil 
qilishda asosiy e`tiborda turadi. 
Tahlil usullarini qo`llash o`rganilayotgan jarayonlarning bir-biriga 
bog`liqligi, o`zgarish sababi, ta`sir ko`rsatgan omillar va qo`shimcha sabablarni 
aniqlashga yordam beradi. 
Hozirgi bozor iqtisodiyoti sharoitida aksariyat, yetuk iqtisodchi olimlarimiz 
taxlilning usullarini iqtisodiy adabiyotlarida shartli ravishda ikki guruhga ajratib 
ko`rsatishmoqda. Moliyaviy va boshqaruv tahlilining usullarini quyidagi ikki 
guruhga ajratish mumkin: 
1. Oddiy an`anaviy (odatdagi) usullar guruhi. 
2. Iqtisodiy matematik usullar guruhi.