Услубий қЎлланмалар умумий маълумотлар

“Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида” Ўзбекистон Республикаси Президентининг
2020 йил 27 октябрдаги ПФ-6096-сон Фармони ижросини таъминлаш бўйича батафсил



УСЛУБИЙ ҚЎЛЛАНМАЛАР

УМУМИЙ МАЪЛУМОТЛАР
Ўзбекистон Республикаси Президентининг 2020 йил
27 октябрдаги ПФ-6096-сон Фармонига мувофиқ олтита йўналишда иш ташкил этиш белгилаб қўйилган, жумладан:
I. Биринчи йўналиш – Трансформация.
32 та йирик давлат корхоналари ва хўжалик бирлашмалар бюджет барқарорлиги билан узвий боғлаш мақсадида трансформация қилинади (1-илова). Шундан, Самарқанд вилоятида 1 та - “Самарқандгeология” АЖ;
Масъул – Молия вазирлиги, Иқтисодий тараққиёт ва камбағалликни қисқартириш вазирлиги, тегишли вазирлик ва идоралар
II. Иккинчи йўналиш – Корпоратив бошқарув.
39 та давлат иштирокидаги корхоналарда корпоратив бошқарув ва молиявий аудит жорий этилади, операцион самарадорлиги оширилади (2-илова). Шундан, Самарқанд вилоятида 1 та - “2531-сонли автожамланма” ДУК.
Масъул – Давлат активларини бошқариш агентлиги, тегишли вазирлик ва идоралар.
III. Учинчи йўналиш – Хусусийлаштириш.
Жами 556 та давлат активларини хусусийлаштириш чора-тадбирлари кўрилади (3-5-иловалар). Самарқандда 34 та (рўйхати илова қилинади).
Шундан:
1) 62 та давлат активларини алоҳида ёндашган ҳолда хусусийлаштиришдан олдин тайёрланади ва инвестициявий жозибадорлигини оширишнинг манзилли дастурлари орқали оммавий савдоларга чиқарилади (3-илова). Самарқандда “Ховренко номидаги Самарқанд вино комбинати” АЖ.
Шунингдек, 15 та кўчмас мулки объектлари алоҳида ёндашув асосида хусусий секторга сотилади (5-илова). Самарқандда “Афросиёб палас” меҳмонхона мажмуаси.
Масъул – Давлат активларини бошқариш агентлиги, Инвестициялар ва ташқи савдо вазирлиги, тегишли вазирлик ва идоралар.
2) 479 та корхоналарнинг давлат акция пакетлари (улушлари)ни тўлиғича оммавий савдолар орқали хусусий секторга сотилади (4-илова). Самарқандда 32 та корхона рўйхати илова қилинади)
Бундан ташқари, Фармон билан қамраб олинмаган, бироқ хусусийлаштириш режалаштирилган 945 та корхона ва кўчмас мулк объектлари оммавий савдоларга чиқарилади, жумладан:
- 386 та корхоналарни аввал қабул қилинган қарорлар доирасида сотилади. Самарқандда 21 та (рўйхати илова қилинади).
- 559 та кўчмас мулкларни (5 минг кв.м.гача) маҳаллий давлат ҳокимияти органлари томонидан ўз ваколатлари доирасида сотилади. Самарқандда 13 та (рўйхати илова қилинади).
Масъул – Давлат активларини бошқариш агентлиги, Инвестициялар ва ташқи савдо вазирлиги, Қорақалпоғистон Республикаси Жўқорғи Кенгеси ва Вазирлар Кенгаши раислари, вилоятлар ва Тошкент шаҳар ҳокимлари, ҳудудга бириктирилган масъуллар;