Ushbu qo‘llanmani sotib olgan bo‘lsangiz sizga bu omonat tariqasida berildi. Ushbu qo‘llanmani hech kimga xatto yaqin hamkasblaringizga ham bermang faqat o‘zingiz foydalaning sizdan buni muallif sifatida iltimos qilamiz

IV. O’quvchilarni rag’batlantirish.


V. O’quvchilarni baholash.
VI. Uyga vazifa: mavzuni o’rganish.

MMIBDO‘: ______________________
Sinf rahbar: ______________________

26-mavzu: Umrboqiy qadriyatlar (21-mart bayram munosabati bilan)
Kun shiori: “Navro`z barchamiz uchun azal-azaldan avvalo tabiat uyg`onishi, sharqona yangi yil debochasi, ma’naviyatimizning uzviy qismiga aylanib ketgan eng qadimiy, asl milliy bayram sifatida aziz va mo`ta’bardir”
Maqsad:O`quvchilarda vatanparvarlikni singdirish, umrboqiy qadriyatlarimizni unutmaslikni, hikmatli so`zlarimizni avaylashni uqtirish.
Natija:O`quvchilarning erkin fikrlashi, tassurotlari va olgan xulosasi.
Foydalanadigan ko`rgazmali qurollar:O`zbekiston Respublikasi Konstitutsiyasi,Ma’naviyat qalbim quyoshi, Ma’naviyat yulduzlari,Abdulla Oripov Adolat ko`zgusi, Pedagogika, shiorlar, plakatlar, devoriy gazetalar, slaydlar, tarqatma materiallar.
Doskada:“Yil boshi – “Navro`z” xush kelding yurtim –O`zbekistonga”

O`qituvchi:
Sho`ro mafkurasi qatag`on qilgan Navro`z qayta tiklandi. Shu munosabat bilan har yili Respublika miqyosida ulkan xalq sayllari o`tkazish an’anaga aylanib bormoqda. Bunda xalq etnografik dastalari faol qatnashmoqda. Shu ommaviy harakat tufayli juda ko`p unutilib borayotgan an’anaviy xalq ijodi namunalari, urf-odatlari qayta tiklanib, xalqimiz mentalitetini ifoda etuvchi milliy qadriyatlar sifatida e’zozlana boshlandi. Bu jihatdan, ayniqsa, har yili bahorda Boysunda o`tkaziladigan “Boysun bahori” ko`rik-tanlovi, xalq baxshilari ko`riklari, Jizzax viloyatining Forish tumanida o`tkaziladigan “O`zbek xalq o`yinlari” va Termizda o`tkaziladigan “Alpomish o`yinlari” tadbirlari ayricha ahamiyat kasb etmoqda. Shunisi quvonchliki, “Boysun bahori” YUNESKO qarori bilan xalqaro festival maqomini oldi va nodir ma’naviy yodgorlik sifatida ro`yxatga olindi.
“Boychechak” – bolalarning marosim qo`shig`i. Bolalar Navro`z
Elchisi sifatida erta bahorda dala-tuzda boychechakni ko`rishlari bilanoq undan guldastalar yasaganlar, tolxivichlarga shodalab, boshlariga gulchambar qilib kiyganlar. So`ngra hovlima-hovli yurib, “Boychechak” qo`shig`ini kuylab, gul ulashib, bahor kelganidan xabar berganlar. Bolalarning biri- yakkaxon to`rtliklarni kuylasa, qolganlari naqoratini xor bo`lib ijro etganlar:
Boychechagim boylandi,
Qozon to`la ayrondi.
Ayroningdan bermasang,
Qozonlaring vayrondi.
Qattiq yerdan qazalab chiqqan boychechak,
Yumshoq yerdan yumalab chiqqan boychechak. Boychechakni tutdilar,
Tut yog`ochga soldilar.
Qilich minan chopdilar
Baxmal minan yopdilar.

Qo`shiq tugagach, boychechakchilarga sovg`a-salomlar berishgan, bolalar bularni o`zaro bo`lib olishgan yo hammalari birgalikda mehmonnavozlik qilishgan. Qo`shiqda ta’riflangan boychechak – erta bahorda ochiladigan gulgina emas, umumlashma darajasiga ko`tarilgan ramziy obraz ham. Unda murg`akkina bolalik obrazi tajassum topgan. Xalq bolani erta bahorning ilk guli timsolida ko`rgan, bola shu gulday nozik, yoqimli navnihol va chindan ham insoniyat bahorning g`unchasi tarzida e’zozlangan.

(O`zbekiston xalqlari etnografiyasi va folklori kitobidan olindi)
Topshiriq: “Xalq o`yinlari” mashqi. Bunda o`quvchilar guruh bo`lib, o`zlari bilan xalq o`yinlari ijro etadilar. (Bayramona kayfiyat)
Izoh:O`qituvchi jarayonni kuzatishda samimiylikka, o`quvchilarning o`zlarini odob-axloq me’yorlariga e’tiborli bo`lishlikka, faollikka, jonkuyarlikka va talabchanlikka, tezkorlikka, ijodkorlikka undab boradi.