Ушбу Қоидаларда қуйидаги асосий тушунчалар қўлланилади: гендер-ҳуқуқий экспертиза

11-мавзу: Ички ишлар органларида фавқулодда ҳолатларда махсус режалар ҳаракатга келтирилганда, ходимларнинг вазифалари.

Фавқулодда ҳолатларда ички ишлар органлари куч ва воситаларини бирлаштиради ҳамда тинчлик ва алоҳида даврда фавқулодда вазиятларнинг олдини олиш, бундай вазиятларда ҳаракат қилиш, оқибатларини бартараф этиш, давлат иқтисодиёти объектларига етказиладиган зарар миқдорини камайтириш, аҳоли, ходимлар ва махсус контингентлар хавфсизлигини таъминлаш борасидаги тадбирларни ташкил этади ва амалга оширади.

Ички ишлар органлари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармон, қарор ва фармойишларига, Вазирлар Маҳкамасининг қарор ва фармойишларига, Ўзбекистон Республикаси Фуқаро муҳофазаси бошлиғи ҳамда Фавқулодда вазиятлар ва Ички ишлар вазирининг буйруқлари ва кўрсатмаларига амал қилади.
фавқулодда вазиятларнинг олдини олиш - олдиндан ўтказиладиган ҳамда фавқулодда вазиятлар рўй бериши хавфини имкон қадар пасайтиришга қаратилган тадбирлар комплекси;
фавқулодда вазиятларни бартараф этиш - фавқулодда вазиятлар рўй берганда ўтказиладиган ҳамда одамларнинг ҳаётини асраб қолиш ва соғлигини сақлашга, атроф табиий муҳитга етказиладиган зарар ва моддий талафотлар миқдорини камайтиришга, шунингдек, фавқулодда вазиятлар рўй берган зоналарнинг кенгайишига йўл қўймасликка ҳамда хавфли омиллар таъсирини тугатишга қаратилган қутқарув ишлари ва кечиктириб бўлмайдиган ишлар комплекси;
фуқаро муҳофазаси — ҳарбий ҳаракатлар олиб бориш пайтида ёки шу ҳаракатлар оқибатида юзага келадиган хавфлардан Ўзбекистон Республикаси аҳолисини, ҳудудларини, моддий ва маданий бойликларини муҳофаза қилиш мақсадида ўтказиладиган тадбирларнинг давлат тизими.
Фавқулодда вазиятлар чоғида Ички ишлар органларининг вазифалари:
фавқулодда вазиятлар содир бўлганда ва уларни бартараф этиш даврида жамоат тартибини сақлаш, барча турдаги хусусий мол-мулклар, тарихий ва маданий ёдгорликлар ва табиий бойликлар сақланишини таъминлаш;
эвакуация тадбирларида иштирок этиш;
фавқулодда вазият содир бўлган ҳудудни ўраб олиш ва тўсиш;
ҳарбий қисм ва фуқаро муҳофазаси тузилмаларининг жойланиши даврида йўл ҳаракатини бошқариш;
карантин ва режим-чегаралаш тадбирларини, фуқароларнинг кириш ва чиқишини, алоҳида тартибини таъминлаш бўйича назорат-ўтказув, йўл ҳаракатини тартибга солиш пунктларини ўрнатиш ва ишни ташкиллаштириш;
жиноятчилик, марадерлик, ваҳима, ёлғон ва правокацион миш-мишларни тарқатиш, юз бериши мумкин бўлган оммавий тартибсизликларга қарши курашишни кучайтириш бўйича профилактик, тезкор-қидирув ва тергов тадбирларини, талон-тарож қилиш, ўғирлик, транспорт воситаларини олиб қочиш ва бошқа жиноятларни олдини олишга оид чораларини амалга ошириш;
ички ишлар органлари ваколатига доир, шу жумладан ўрнатилган хуқуқий фавқулодда вазият тартибида, фуқаро муҳофазасига оид меъёрий ҳужжатларнинг бажарилиши устидан маъмурий назоратни амалга ошириш;
болалар назоратсизилигининг ва вояга етмаганлар хуқуқбузарлигининг олдини олишга оид тадбирларни амалга ошириш;
даволаш муассасалари билан ҳамкорликда нобуд бўлган аҳолини ҳисобга олиш ва манзил-маълумот ишларини олиб бориш;
эвакуация қилинган (кўчирилган) аҳолини ҳисобга олиш, ҳалок бўлганлар шахсини аниқлаш ва жасадларни идентификациялаш, бедарак йўқолган одамларни қидириш;
фавқулодда вазиятлардан муҳофаза қилиш бўйича моддий ва молиявий ресурслар заҳирасини яратишни ташкил этиш;
тегишли идорларга, карантин тадбирлари ҳамда эпидемиялар ва эпизоотияларга қарши курашиш чораларини амалга ошириш бўйича ёрдам кўрсатиш.