Ушбу Қоидаларда қуйидаги асосий тушунчалар қўлланилади: гендер-ҳуқуқий экспертиза

Автоматдан ўқ отиш машқлари

1-машқ

Машқнинг кўзланиши: ётган ҳолда ерга таянмасдан ўқ отишни ўргатиш.
Нишон: ердан 20-30 см юқорига ўрнатилган кўкрак кўринишдаги 4-нишон.
Нишонгача бўлган масофа: 100 метр
Патронлар сони: 10 дона
Ажратилган вақт: 10 дақиқа
Ўқ отиш ҳолати: ётган ҳолда
Баҳо:
«аъло» 10 та ўқ нишонга тегса
«яхши» 8 та ўқ нишонга тегса
«қониқарли» 6 та ўқ нишонга тегса
5,45 мм. АК-74 автоматидан:
«аъло» 9 та ўқ нишонга тегса
«яхши» 7 та ўқ нишонга тегса
«қониқарли» 5 та ўқ нишонга тегса


Бажариш тартиби:

Машғулот раҳбарининг буйруғига асосан бошланғич чизиқда ўқ отувчи гуруҳ патронларни ўқдонга жойлаштиради ва автоматга ўрнатади. Раҳбарнинг «Ўт очиш чизиғига қадам бос» командасига асосан ходимлар ўт очиш чизиғига келади. Ўт очиш чизиғида раҳбарнинг «Ўт очишга тайёрлан!» командаси бўйича автоматни елкадан ўнг қўлига олади, ўнг оёқни олдинга қўйиб ўнгга олади, чап қўлга таянган ҳолда чап томонга ёнбошлайди, қорин билан ерга ётади, чап қўл билан автомат тутқичини ушлаб, ўнг қўл билан сақлагич энг пастки ҳолатга туширилади, ўқлагични орқага тортиб қўйиб юборади, сақлагич энг юқори ҳолатга кўтарилади, мўлжалга олиш планкаси «3»га, (АК-74да «4»га) қўйилиб ўқ отишга тайёрлиги ҳақида ахборот беради. Машғулот раҳбари томонидан «ўт ОЧ!» командаси берилгандан сўнг, ўқ отувчи сақлагични энг охирги ҳолатга туширади ва якка тартибда ўнта ўқни нишонга отади.

Ўқ отишни тугатгандан сўнг, ходим қуйидагиларни бажариши шарт:
сақлагични энг юқори ҳолатга, яъни ёпиқ ҳолатга қўяди;
нишон планкасини «П»га қўяди;
ўқдонни автоматдан ажратади;
сақлагични энг охирги ҳолатга туширади;
ўқлагични охиригача тортиб қўйиб юборади;
назорат ўқ отишни амалга оширади ва сақлагични энг юқори ҳолатга кўтариб командани кутади;
ўқ отувчилар отишни тугатганлигига ишонч ҳосил қилгач, машғулот раҳбари «Ўқ отиш тўхтатилсин!», «Қурол кўрикка!» командасини беради;
Раҳбар томонидан команда берилгандан сўнг, ходим қуйидагиларни бажариши шарт:
сақлагич энг охирги ҳолатга туширилади;
ўқлагични орқага тортган ҳолда қуролни бўш ўқдони билан кўрсатади;
Раҳбар томонидан қурол «кўздан кечирилди» дегандан кейин ходим қуйидагиларни бажаради;
ўқлагични олдинги ҳолатга қўйиб юборади;
назорат ўқ отишни амалга оширади;
қуролни сақлагичга кўяди;
ўқдонни автоматга бирлаштиради;
Раҳбар томонидан «Диққат, гуруҳ тур!» командаси берилганда ходим ўрнидан туради ва автоматни елкага олади.