Ушбу изоҳли луғатга пахта тозалаш саноати соҳасида фойдаланаладиган ва

---

Кириш 
 
Ушбу изоҳли луғатга пахта тозалаш саноати соҳасида фойдаланаладиган ва 
Ўзбекистон Республикаси қонунчилик ҳужжатларида, ИСО/МЭК халқаро 
стандартлари ҳамда Ўзбекистон тармоқлараро стандартлаштириш тизимлари
(Ўз ТСТ) атамашунослик стандартларида ўз аксини топган асосий атамалар ва 
тушунчаларнинг таърифлари киритилган. Луғатда атама ва тушунчалар 
таърифларининг барча вариантлари келтирилган.
Ушбу луғат билан пахта тозалаш саноати соҳасида конструкторлик 
ҳужжатлари, маҳсулот ва хизматларни сертификатлаштириш, мувофиқликни 
баҳолаш, техник-иқтисодий ва ижтимоий ахборотларни таснифлаш ва кодлаш, 
ўлчовлар ягоналигини таъминлаш, путур етказмайдиган назорат, маҳсулотни 
ишлаб чиқиш ва ишлаб чиқаришга қўйиш, аккредитлаш, техник жиҳатдан 
тартибга солиш, маҳсулотни синаш, сифат, хизматлар, атроф-муҳит 
муҳофазаси, фавқулодда вазиятларда хавфсизлик, техниканинг пухталиги каби 
тизимларда фойдаланаладиган атама ва тушунчаларни тартибга солишнинг 
мақбул даражасига эришилган.
Атама ва тушунчаларнинг номи кўпчилик ҳолларда (стандартлаштириш 
объектлари, давлатлараро стандартлаштириш қоидалари, техник жиҳатдан 
тартибга солиш соҳасида норматив ҳужжатлар, тавсиялар, озиқ-овқат хом 
ашёси ва маҳсулотлари хавфсизлиги ва озуқавий қийматининг санитария 
нормалари ва бошқалардан ташқари) бирлик сонда берилмоқда.
Эслатма. «Атама» – нарса ва ҳодисалар муҳим хусусиятларининг акс 
этиши. «Тушунча» – нарса ҳақида мантиқий расмийлаштирилган умумий фикр. 
Масалан, стандартлаштириш – атама, хизмат кўрсатиш соҳасида 
стандартлаштириш - тушунча; стандарт – атама, умумий техник талаблар 
стандартлари – тушунча; норматив ҳужжат – атама, техник жиҳатдан 
тартибга солиш соҳасида норматив ҳужжат – тушунча.