Ус таълим вазирлиги ўзбекистон республикаси соғЛИҚни сақлаш вазирлиги

Туғруқ стационари ўзини таркибида қуйидаги бўлимларни тутиши керак:
- қабул-кўрик бўлими;
- ҳомиладорлар патологияси бўлими (акушерлик ўринларининг умумий сонидан 30-35%и);
- I акушерлик бўлими (акушерлик ўринларининг умумий сонидан 25-30%и);
- II акушерлик бўлими (акушерлик ўринларининг умумий сонидан 25-30%и);
- реанимация ва ҳомиладорлар, туғруқ ва туғруқдан кейинги аёлларни интенсив терапияси бўлими (хонаси);
- чақалоқларни реанимацияси ва интенсив терапияси хонаси;
- гинекология бўлими (акушерлик комплекси койкаларининг умумий сонидан 15-20%и);
- стерилизация қилиш ва лаборатория бўлимлар.
Барча бўлимлар керакли тиббий аппаратура ва инструментлар, кузатув анжомлари, тиббий мебел ва жиҳозлар билан таъминланган бўлиши керак.
Туғруқ комплекси (бўлими) ходими ҳар бир бўлимда графикга биноан ишлайди. Ишга қабул 6.06.2000 йилдаги №300 буйруқ ОИВ ва HbsAg га тиббий кўрикдан ўтгандан сўнг қўйилади.
Акушерлик бўлимларининг қабул блоки орқали фақатгина ҳомиладорлар, туғруқ ва туғруқдан кейинги аёллар қабул қилинади. Гинекологик беморлар учун алоҳида қабул бўлими бўлиши керак.
Туғруқ комплекси (бўлими) таркибий бўлимларининг ишини ташкил этиш
Қабул - кўрик бўлими
Қабул - кўрик бўлими барча тегишли асбоб - ускуналар ва шок ёки эклампсия вақтида бирламчи тиббий ёрдам кўрсатиш учун керакли бўлган дори воситалари билан таъминланган бўлиши керак.
Қабул бўлимида акушер - гинеколог ёки доя аёлни қабул қилади, объектив текшириш ўтказади, мурожаат қилган аёлни умумий ҳолатини баҳолайди, тана ҳароратини ўлчашни амалга оширади, тери қопламлари, ҳалқумни кўради, пулсни ҳисоблайди, иккала қўлда артериал босимни ўлчайди. Шифокор ёки доя аёлнинг алмашинув картаси билан танишиб чиқади. Ҳомиладор ёки туғувчи аёлда атрофдагилар учун хавф туғдирувчи касаллик бўлса шу заҳотиёқ уни алоҳида хоналарга кузатиш ёки туғруқ учун госпитализация қилиш керак.
Алмашинув картаси HbsAg. RW, ОИВ/ОИТС текширув маълумотлари бўлмаса текшириш зарурияти тўғрисида маълумот бериш керак ҳамда ушбу инфекцияларга текширувни таъминлаш керак.
Қабул бўлимида текширилган заҳира донорларининг барча қон гуруҳлари рўйхати бўлиши керак, шу жумладан резус - манфий омили билан.
Қабул бўлимида беморнинг тиббиёт муассасасидаги 11 ҳуқуқлари тўғрисида (Соғлиқни сақлаш тўғрисидаги қонун номи, уни рақами, санаси ва хуқуқлар рўйхати кўрсатилсин), кўкрак билан эмизиш принциплари ва самарали перинатал ёрдам бўйича кўргазмали жадваллар бўлиши керак.
Кўрув хонаси
Қабул бўлимининг кўрув хонасида: тегишли барча тиббий асбоб - анжомлар, санитария - гигиенага оид материаллар шунингдек туғруқни шошилинч тарзда қабул қилиш учун зарур бўлган тўплам бўлиши керак.
Туғруқ тарихи расмийлаштирилиб, акушерлик текшируви амалга оширилади: ҳомилани ҳолати, жойлашиши, кўриниши аниқланади, унинг юраги эшитилади ва 1 дақиқадаги юрак уриши ҳисобланади, қон гуруҳини, қондаги гемоглобинни аниқлаш учун қон ҳамда оқсилни аниқлаш мақсадида сийдик олинади.

Объектив текширувнинг барча маълумотларини шифокор, аёлни тегишли бўлимга ўтказгандан кейин туғруқ тарихига ёзиб қолдириши мақсадга мувофиқ. Аёлни қабул бўлимида туриши иложи борича қисқартирилиши керак.

Қабул бўлимида қуйидаги ҳужжатлар бўлиши керак:
- Қабул қилинган ҳомиладорлар, туғруқ ва туғруқдан кейинги аёллар журнали;
- Педикулез препаратлари билан ишлов бериш журнали;
- Умумий тозалаш графиги ва журнали (№3.3 Киритма).